हेलिकप्टर दुर्घटना अपडेट : पाइलट सुरेन्द्र पौडेल सकुशल

संखुवासभामा दुर्घटनामा परेको हेलिकप्टरका पाइलट सकुशल रहेको जानकारी प्राप्त भएको छ ।

त्रिभुवन विमानस्थलका महाप्रबन्धक प्रतावबाबु तिवारीका अनुसार क्याप्टेन सुरेन्द्र पौडेल सकुशल रहेका हुन् ।

उनलाई सामान्य चोट मात्रै लागेको उनले बताए । क्याप्टेन पौडेललाई उपचारका लागि नजिकैको स्वास्थ्यचौकीमा लगिएको तिवारीको भनाइ छ ।

अरुण तेस्रोको सामान बोकेको सिम्रिक एयरको हेलिकप्टर दुर्घटनामा परेको हो ।