सामान पुर्‍याएर फर्किँदै थियो सिम्रिकको हेलिकप्टर, सवार ४ जनामध्ये एक गम्भीर घाइते

संखुवासभामा दुर्घटनामा परेको सिम्रिक एयरको हेलिकप्टरमा पाइलटसहित ४ जना सवार रहेको पाइएको छ ।

अरुण तेस्रोको सामान पुर्‍याएर फर्किँदै गरेको हेलिकप्टर शुक्रवार दिउँसो १:१८ बजे संखुवासभामा दुर्घटनामा परेको हो ।

दुर्घटनाग्रस्त हेलिकप्टरका पाइलट सुरेन्द्र पौडेल र २ यात्रु सकुशल रहे पनि एकजना गम्भीर घाइते भएको त्रिभुवन विमानस्थलका महाप्रबन्धक प्रतापबाबु तिवारीले जानकारी दिए ।

भोटखोला गाउँपालिकाकी उपाध्यक्ष सहाना लामाले रातो रंगको हेलिकप्टर झरेको आफूहरूले प्रत्यक्ष देखेको बताइन् ।

घटनास्थलमा नेपाली सेनाको उद्धार टोली पुगिसकेको छ ।

* चालक दलका सदस्यसहित ४ जना सवार रहेको भन्ने हुनुपर्नेमा चालक दलका सदस्यबाहेक ४ जना भएकोमा सच्याइएको छ ।