नक्कली भुटानी शरणार्थी प्रकरणमा पक्राउ पर्नेको संख्या १० पुग्यो, टोपबहादुर अझै फरार

प्रहरीले नेपालीलाई नक्कली भुटानी शरणार्थी बनाएर अमेरिका पठाउन खोज्ने गिरोहका थप दुई जनालाई पक्राउ गरेको छ । यससँगै पक्राउ पर्नेको संख्या १० जना पुगेको छ । 

प्रहरीले मंगलबार काठमाडौँको टोखा बस्ने रामशरण केसी र मोरङ घर भएका गोविन्द चौधरीलाई  पक्राउ गरेसँगै यो संख्या १० पुगेको हो । 

यसअघि पक्राउ परेकामा तत्कालीन गृहमन्त्री रामबहादुर थापाका सुरक्षा सल्लाहकार इन्द्रजित राईसहित बहालवाला सचिव  टेकनारायण पाण्डे, सन्दीप रायमाझी, केशव दुलाल, सानु भण्डारी टङ्क गुरुङ, सन्देश शर्मा पोखरेल र सागर थुलुङ छन् । 

पक्राउ पूर्जी जारी भएका नेकपा एमालेका सचिव तथा पूर्वमन्त्री टोपबहादुर रायमाझी भने अझै फरार छन् ।  जिल्ला प्रहरी परिसरले उनीहरू विरुद्ध सङ्गठित अपराधमा अनुसन्धान गरिरहेको छ ।