अमेरिका भ्रमणमा रहेका भारतीय प्रधानमन्त्री नरेन्द्र मोदीले खिचडी र समौसा खाएका छन् ।

अमेरिकाकी उपराष्ट्रपति कमला ह्यारिसले शुक्रवार आयोजना गरेको भोज कार्यक्रममा मोदीलाई खिचडी र समौसा खुवाइएको छ ।

शुक्रवार उपराष्ट्रपति कमला र विदेशमन्त्री एन्टनी ब्लिङ्कनले मोदीका लागि भोज राखेका थिए । अमेरिकाले मोदीलाई शुद्ध शाकाहारी भोजन खुवाएको भारतीय सञ्चारमाध्यमले जनाएका छन् ।

प्रधानमन्त्री मोदीलाई खिचडी र समौसासँगै आँपको हलुवा, मसला चिया पनि खुवाइएको छ । मोदीले खिचडी र समौसा धेरै रुचाउँछन् । 

यसअघि बिहीवार राष्ट्रपति जो बाइडनले भोज राखेका थिए । बाइडनपत्नी तथा अमेरिकाकी प्रथम महिला जिल बाइडनले शुद्ध शाकाहारी भोजन बनाएर मोदीलाई खुवाएकी थिइन् ।