हर्क साम्पाङलाई अदालतको झड्का, निजी जमिनमा जबरजस्ती नगर्न आदेश

धरान उपमहानगरपालिकाका मेयर हर्क साम्पाङलाई वृक्षारोपणका नाममा व्यक्तिको निजी जमिनमा जबरजस्ती नगर्न उच्च अदालत विराटनगरले आदेश दिएको छ ।

धरान उपमहानगरपालिका ४ छोटीमोरङको रोजिना अधिकारीको जग्गामा वृक्षारोपण नगर्न धरान उपमहानगरपालिका र मेयर साम्पाङलाई उच्च अदालत विराटनगरले अन्तरिम आदेश दिएको हो ।

धरान १ का पूर्ववडाअध्यक्ष रोशन अधिकारीकी श्रीमती रोजिनाले आफ्नो निजी जग्गामा मेयर साम्पाङ नेतृत्वको टोलीले जबरजस्ती वृक्षारोपण गरेको भन्दै अदालतमा रिट हालेकी थिइन् । रिटमाथि बिहीबार सुनुवाइ गर्दै उच्च अदालतका न्यायाधीश मिलनकुमार राईको इजलासले अन्तरिम आदेश दिएको हो ।

‘मुद्दाको अन्तिम टुङ्गो नलागेसम्म निवेदकको नाममा दर्ता भएको कित्ता नम्बर ४२१ र ३४५ को जग्गामा अनधिकृत प्रवेश र वृक्षारोपण नगर्नु, नगराउनु’ अदालतको आदेश छ ।

 निवेदक अधिकारीको नाममा धरान बाँझगरा गाविस ९ (ग) कित्ता नम्बर ४२१ र ३४५ को जग्गाको दर्ता स्वामित्व रहेको जग्गा धनीपूर्जा प्रतिलिपीबाट देखिएकोले कानुन बमोजिम अन्यथा नभएसम्म उनको हक दर्ता रहेको जग्गामा भोग स्वामित्व, अहरणीय हक अधिकारका रूपमा रहने अदालतले भनेको छ । 

पूर्ववडाअध्यक्ष अधिकारीले प्याराग्लाइडिङको टेकअप स्थलमा साम्पाङले विरुवा रोपेका थिए ।