कात्तिक २३, २०८०
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
केन्द्रीय अनुसन्धान ब्यूरो (सीआईबी) ले १ क्वीन्टल सुन प्रकरणमा शून्यबाट अनुसन्धान गर्ने भएको छ ।
राजस्व अनुसन्धान विभागले १८ दिनपछि प्रहरीलाई सुम्पिएको करीब १०० किलो सुनको अनुसन्धान फेरि तलबाटै गर्नुपर्ने प्रहरी प्रवक्ता नायब महानिरीक्षक (डीआईजी) कुवेर कडायतले बताए ।
‘हामीले फेरि शून्यबाट शुरू गर्छाैं, विभागले एउटा हिसाबले अनुसन्धान गरेको थियो, हामीले संगठित अपराधमा अनुसन्धान गर्दा शुरूबाट गर्नुपर्ने स्वाभाविक हो,’ डीआईजी कडायतले लोकान्तरसँग भने ।
उनका अनुसार सीआईबीले अहिले विभागले बुझाएका प्रमाणहरू र उसले गरेको अनुसन्धानको अध्ययन गरिरहेको छ । त्यसको अध्ययनपछि मात्रै कसरी अनुसन्धान गर्ने भन्ने कुरा टुंगो लगाएर सीआईबी अगाडि बढ्न लागेको छ ।
प्रवक्ता कडायतका अनुसार सीआईबीले फेरि पक्राउ परेका अभियुक्तहरूसँग बयान गर्ने, उनीहरूबाट खुल्न आएको तथ्य र प्रमाणका आधारमा अन्यलाई पक्राउ गर्नुपर्ने अवस्था आए पक्राउ गर्नेछ । विभागले राजस्व छलीअन्र्तगत उच्च अदालतमा मुद्दा दर्ता गर्ने गरी अनुसन्धान गरेको थियो । अहिले संगठित अपराधमा अनुसन्धान गरेर जिल्ला अदालतमा सरकारी वकिलमार्फत प्रतिवेदन बुझाइने छ ।
स्रोतका अनुसार सीआईबीले हङकङबाट आएको भनिएको ठाउँदेखि नेपालमा कसरी आयो र त्यो कहाँ जान लागेको भन्नेसम्मको चेन पत्ता लगाउने गरी अनुसन्धान शुरू गरेको छ ।
हल्लामा नाम आएका ‘भीआईपी’ पनि अनुसन्धानको दायरामा
प्रहरी उच्च स्रोतका अनुसार सुनसँग जोडिएर आएका भीआईपीहरूको संलग्नताबारे पनि अनुसन्धान गर्ने तयारी छ । ‘अनुसन्धानमा संलग्नताको प्रमाण देखिएमा भीआईपीहरूलाई पनि छोड्दैनौं, स्वाभाविक रूपमा जो कोही पनि अनुसन्धानको दायरामा पर्न सक्छन् यदि कनेक्सन देखिएको खण्डमा,’ ती अधिकारीले लोकान्तरसँग भने ।
यता मंगलवार संसद्मा बोल्दै उपप्रधान एवं गृहमन्त्री नारायणकाजी श्रेष्ठले सुन तस्करीमा संलग्न भएको तथ्य र प्रमाणले पुष्टि भए जुनसुकै दलका नेतामाथि पनि कारबाही गर्ने बताएका छन् ।
प्रतिनिधिसभा बैठकलाई सम्बोधन गर्दै श्रेष्ठले कसलाई तान्ने या कसलाई छाड्ने भनेर गृहमन्त्रीका रूपमा आफूले निर्देशन नदिने बताए । ‘यहाँ प्रतिपक्षी दलका मेरा अनन्य मित्रले भेपको फाइल गृहमन्त्रीको टेबलमा छ तर माओवादी नेतालाई कारवाही गरिएन भन्नुभयो । सीआईबीले गरेको अनुसन्धानको फाइल पहिला मेरो टेबलमा कसरी आयो ? तपाईंहरूले सरकार चलाउँदा यसरी आउँथ्यो र ?’ गृहमन्त्री श्रेष्ठले भने, ‘कसलाई तान्ने र कसलाई छाड्ने भनेर गृहमन्त्रीले निर्देशन दिन मिल्दैन । अनुसन्धान गर्न निर्देशन दिएका छौं ।’
त्यसअघि एमाले सचिव योगेश भट्टराईले भेपमार्फत आएको ९ किलो सुन प्रकरणमा माओवादीकै नेता संलग्न रहे पनि कारवाही नगरिएको भन्दै प्रश्न गरेका थिए ।
‘माओवादी या अन्य कुनै पार्टीको होस्, तथ्य प्रमाणले दोषी छन् भने कोही छुट्नेवाला छैनन् । कोही उम्किन पाउँदैनन्,’ गृहमन्त्री श्रेष्ठले भने ।
छुट्टै टीम र कोठाबाट अनुसन्धान गर्दै सीआईबी
पछिल्ला अपराधका प्रकरणहरूमा सूचना बाहिर आउँदा समस्या भएको भन्दै सीआईबीले छुट्टै टीम बनाएर छुट्टै कोठाबाट अनुसन्धान गर्न लागेको छ । सीआईबी स्रोतका अनुसार एसपी संजयसिंह थापा नेतृत्वको टोलीले एउटा छुट्टै कोठामा अनुसन्धान गरिरहको छ ।
‘अरु बेला पनि छुट्टै अनुसन्धान छुट्टै कोठा हुन्छन् तर यो अलि विशेष भएकाले गोपनीयताका लागि अरु विशेष कोठामा सरेर अनुसन्धान शुरू गरिएको छ,’ स्रोतले लोकान्तरसँग भन्यो ।
दोलखाको मेलुङ गाउँपालिका–३ का दिलिप भुजेल र रामकुमार भुजेल, भोजपुरको अरुण गाउँपालिका–४ का हर्कराज राई, भारतीय नागरिक थाप्तेन छिरिङ, भन्सार एजेन्ट राजेन्द्र राई, ट्याक्सी चालक अशोक लामा, चिनियाँ नागरिक जीक्वाङ लिन, राजन श्रेष्ठ, ट्रान्स ग्लोबस सर्भिसका सञ्चालक पुष्करराज भट्ट, कृष्ण श्रेष्ठ, भन्सार एजेन्टहरू यादव पराजुली र सुदर्शन गौतम, भन्सार अधिकृत सन्तोष चन्द, जाँचकी (विमानस्थल भन्सार कार्यालय) कुमार ढकाल, नायब सुब्बा (भन्सारमा एक्सरे हेर्ने) सरोज श्रेष्ठ, नक्सालबाट (गोदाम खोजिदिएको आरोप) सुरेन्द्र तामाङ र बेल्जियम नागरिक दावा छिरिङ प्रहरी हिरासतमा छन् ।
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
मकवानपुरको मनहरि गाउँपालिका–८ हेटौंडा–नारायगढ सडकखण्डको सिमपानीमा रोकिराखेको एक ट्रकमा अवैधरूपमा ल्याइएको लागूपदार्थ गाँजा फेला परेपछि ट्रकसहित चालकलाई स्थानीय प्रहरीले नियन्त्रणमा लिएको छ...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...