प्रदीप भट्टराईको निर्देशन रहने आगामी फिल्म ‘महाजात्रा’मा हरिवंश आचार्यदेखि  विपिन कार्कीसम्मको अभिनय रहने भएको छ । 

निर्माण टिमले शनिवार पोस्टर सार्वजनिक गर्दै फिल्मको औपचारिक निर्माण घोषणा गरिएको हो । निर्माण घोषणासँगै फिल्मको स्टारकास्ट र प्रदर्शन मिति पनि सार्वजनिक गरिएको छ । यो फिल्म आगामी चैत ९ गतेबाट प्रदर्शनमा आउने छ ।

फिल्ममा ‘जात्रा’ सिरिजकै चार कलाकारहरू विपिन कार्की, रवीन्द्र सिंह बानियाँ, रवीन्द्र झा र वर्षा राउत पुनः दोहोरिने भएका छन् । साथै, फिल्ममा वरिष्ठ अभिनेता हरिवंश आचार्यको पनि अभिनय रहने भएको छ । यो हरिवंश र विपिनको पहिलो सहकार्य हुनेछ ।

एउटा ट्रकको पछाडिको भागलाई चित्रित गरिएको पोस्टरमा ट्रक पैसाको बिटोले भरिएको छ । षट्कोण आर्ट्सको ब्यानरमा निर्माण हुने यस फिल्मको निर्मातामा म्याक्स दिपेश खत्री र यज्ञश्वर पौडेल छन् ।

फिल्मको कार्यकारी निर्माता भने रवीन्द्र सिंह बानियाँ हुन् ।