ललितानिवास प्रकरणमा भाटभटेनी सुपरमार्केटका सञ्चालक मीनबहादुर गुरुङसहित १८ जना रिहा हुने भएका छन् ।

काठमाडौं जिल्ला अदालतले गुरुङलाई २ करोड ४६ लाख धरौटीमा रिहा गर्न आइतवार आदेश गरेको हो ।

न्यायाधीश भोलानाथ ढकालको इजलासले १७ जनासँग धरौटी माग्दा केशव तुलाधरलाई साधारण तारेखमा रिहा गर्न आदेश दिएको छ ।

थुनछेक बहसपछि अदालतले अभियुक्तहरूलाई थुनाबाहिरै बसेर तारेख धाउने सुविधा दिएको हो । अदालतले कलाधर देउजासँग १५ लाख धरौटी मागेको छ ।

गुरुङ र देउजाका अलावा रुद्रकुमार श्रेष्ठ, बालकृष्ण श्रेष्ठ, घमनकुमार कार्की, गोपाल कार्की, योगराज पौडेल नारायणराज मिश्र, अरुण कुमार श्रेष्ण र लोकहरि घिमिरेसँग समान ७ लाख ५० हजार धरौटीमा मागिएको छ ।

हेर्नुहोस्, कोसँग कति धरौटी माग ?

1. मीनबहादुर गुरुङ– २ कराेड ४६ लाख
2. शिवजी भट्ट– ३ लाख ३० हजार
3. रुद्रकुमार श्रेष्ठ– ७ लाख ५० हजार
4. बालकृष्ण श्रेष्ठ – ७ लाख ५० हजार 
5. कलाधर देउजा – १५ लाख
6. घमनकुमार कार्की– ७ लाख ५० हजार
7. गोपाल कार्की – ७ लाख ५० हजार 
8. विनोद पौडेल– १५ लाख
9. योगराज पौडेल– ७ लाख ५० हजार
10. नारायणराज मिश्र – ७ लाख ५० हजार
11. अरुणकुमार श्रेष्ठ – ७ लाख ५० हजार
12. ध्रुवप्रसाद अर्याल – ३ लाख ३० हजार 
13. बाबुराजा महर्जन– १ लख १० हजार
14. देवनारायण महर्जन – १ लाख १०
15. सकलानन्द महर्जन– १ लाख १० हजार 
16. सञ्जय कुमार महर्जन– १ लाख १० हजार
17. लोकहरि घिमिरे – ७ लाख ५० हजार
18. केशव तुलाधर– साधारण तारेख

सरकारी दस्तवेज कीर्ते गरी ललितानिवासको सरकारी जग्गा व्यक्तिको नाममा लगेको भन्दै सरकारी वकिलको कार्यालय काठमाडौंले मुद्दा अभियोजन गरेको थियो ।

पक्राउ परेका अभियुक्तहरूको बयान सकेर थुनछेक बहस भएको थियो । अब उनीहरूले बाहिरै बसेर तारेख धान्न सक्नेछन् ।

यही प्रकरणमा अख्तियारले दायर गरेको भ्रष्टाचार मुद्दा विशेष अदालतमा विचाराधीन छ ।

यस्तो छ आदेश