कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
काठमाडाैं | भदौ २८, २०८०
त्रिभुवन विमानस्थलबाट सोमवार बरामद भएको करीब १ किलो सुन तस्करी प्रकरणमा नेपाली कांग्रेसका जिल्ला नेता मुछिएका छन् ।
प्रहरी परिसर काठमाडौंका अनुसार विमानस्थलबाट बरामद उनको सुनको व्यवस्थापक काभ्रे प्रतिनिधिसभा– १ प्रदेश सभा (क) बाट समानुपातिक सांसदका लागि सिफारिश समेत भएका कांग्रेस जिल्ला नेता विकास लामा भन्ने विकास योञ्जन रहेको खुलेको छ ।
‘विकासको संलग्नता देखिएको छ,’ काठमाडौं प्रहरी परिसरका प्रवक्ता एसपी कुमोद ढुंगेलले लोकान्तरसँग भने । ढुंगेलका अनुसार सुनसहित ३ जना पक्राउ गरेपछि विकास गाडी फोडेर फरार भएका थिए ।
पक्राउ परेका ३ जनाले सम्पूर्ण व्यवस्थापन विकास नै हेर्ने गरेको बयान दिएको अनुसन्धानमा संलग्न अर्का एक प्रहरी अधिकारीले जानकारी दिए ।
‘प्रारम्भिक बयानका क्रममा उनीहरूले विकासले काम दिएको बताएका छन्,’ ती अधिकारीले लोकान्तरसँग भने ।
प्रहरीले विकासले छाडेर भागेको बागमती प्रदेश ००१ २७ च ९९६० नम्बरको क्रेटा गाडी समेत बरामद गरेको थियो ।
त्यो गाडीबाट कांग्रेस सांसद एवं बागमती प्रदेशका खानेपानी, ऊर्जा तथा सिञ्चाइ मन्त्री तीर्थ लामाले विकास योञ्जनका नाममा काटेको ६ लाखको चेक समेत भेटिएको प्रहरीले जनाएको छ ।
दुबईबाट सुन ल्याउने कामको व्यवस्थापन विकास र लगानी तीर्थले गर्ने गरेको प्रारम्भिक अनुसन्धानमा देखिएको एक अनुसन्धान अधिकारीले बताए ।
‘व्यवस्थापक योञ्जन भन्ने कुरा बयानमा खुलिसकेको छ, तर तीर्थका विषयमा अनुसन्धान भइरहेको छ,’ अनुसन्धानमा खटिएका ती अधिकारीले लोकान्तरसँग भने ।
स्रोतका अनुसार यो टोलीले काभ्रेको महाभारत, खानीखोला, तेमाल र रोसीका युवाहरूलाई पर्यटक भिसामा दुबई पठाउने र सुन बोकाएर नेपाल फर्काउने गरेको पाइएको छ ।
‘यसरी पर्यटक भिसामा गएका युवा त्यो हैसियतका देखिँदैनन्, तर बेलाबेला गइरहन्छन्,’ उच्च स्रोतले लोकान्तरसँग भन्यो, ‘तिनै युवाको मलद्वारमा सुन लुकाएर दैनिक एक किलोसम्म ल्याउने गरेको पाइएको छ ।’
यसपटक मलद्वारमा सुन फिट गरिदिने समूहसँग कुरा नमिलेकाले सूचना लीक भएको स्रोतको दाबी छ ।
प्रहरीले २५ गते बिहान साढे ९ बजे दुबईबाट हिमालयन एयरलाइन्समार्फत नेपाल आएका काभ्रेको खानीखोला गाउँपालिका– ३ घर भई हाल पनौती नगरपालिका– ५ बस्ने २८ वर्षीय बाबुलाल दोङलाई विमानस्थल बाहिरबाट पक्राउ गरेको थियो ।
अर्को दिन अर्थात २६ गते काभ्रेको रोसी गाउँपालिका– ३ घट्टेखोलाका ३३ वर्षीय जगत लामा र महाभारत गाउँपालिका– ३ का ३६ वर्षीय मिङ्मा दोर्जे स्याङ्न्तानलाई पक्राउ गरिएको थियो ।
उनीहरूको साथबाट प्रहरीले ९६० ग्राम (करीब एक किलो) सुन, मोबाइल र बागमती प्रदेश ०२ ०३० प ८५१७ नम्बरको कालो बुलेट बाइक बरामद गरेको थियो ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...