मंसिर २, २०८०
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
काठमाडाैं | असोज १०, २०८०
गोर्खालीको भेष हेर कति राम्रो लाग्छ
मारुनीलाई देखेर नाचौं नाचौं लाग्छ
यी शब्द हुन् ‘हे माया नाँचन...’ गीतका । केही दिनअघि सार्वजनिक यस गीतले नेपाली कला र संस्कृतिलाई चित्रित गर्छ ।
यो गीत भारतको आसाम राज्यको गुवाहाटीमा बस्दै आएका नेपालीभाषी युवाको समूहले ल्याएको हो । यो मात्र होइन, उनीहरूले यसअघि पनि थुप्रै नेपाली गीत ल्याइसकेका छन् ।
ती युवाको प्रयास हो, नेपाली कला र संस्कृतिको संरक्षण गर्नु । साथै, आफ्नो कला र संस्कृतिलाई संसारभर फैलाउनु ।
उनीहरूले आफ्नै खर्चमा गीत र भिडियो बनाउने गरेका छन् । ‘मेलोडी भ्वाइसेस अफिसियल’ नामक युट्युब च्यानल खोलेका छन् । सोही च्यानलमा भिडियो सार्वजनिक गर्ने गरेका छन् ।
अहिलेसम्म उनीहरूले एक दर्जनभन्दा बढी गीत ल्याएका छन् । जसमध्येको पछिल्लो गीत हो, ‘हे माया नाँचन...’ ।
रोशन क्षेत्रीको शब्द रहेको गीतमा उनीसँगै शिवांगी नाथको स्वर छ ।
गोर्खाली हामी हाम्रो संस्कृति धेरै मन पर्ने
दशैंको टीका लगाएर आमाले मायाले आशिष दिने
गीतमा तीजदेखि दशैंसम्मको विष समेटिएको छ । भाइटीका–देउसीसम्मको कुरा गरिएको छ । भिडियोमा कलाकारहरूले मौलिक पहिरनमा नृत्य गरेका छन् ।
युवाहरूको समूहमा रोशन क्षेत्री, अमन सुवेदी, अनिशा सापकोटा, मल्लिका उपाध्यायलगायत छन् ।
रोशनका अनुसार झण्डै दुई वर्षअघि युट्युब च्यानलको सुरुवात गरिएको थियो ।
समूहमा उनको जिम्मेवारी गीत लेख्ने, गाउने र भिडियो निर्माण गर्नु हो ।
उनी आसामका विभिन्न क्षेत्रका प्रतिभालाई समेटेर आफूहरू अगाडि बढेको बताउँछन् ।
भिडियोमा नृत्य गर्दै आएका अमन भन्छन्, ‘गोर्खाली संस्कृतिलाई सबैतिर फैलाउने हाम्रो प्रयास हो ।’
मेलोडी भ्याइसेससँग जोडिएर राम्रो गीतमा नृत्य गर्न पाएकोमा अनिशाले खुशी व्यक्त गर्छिन् ।
आसामका विभिन्न प्रान्तमा छरपस्ट भएर गोर्खाली समाज बसोबास गर्ने गरेका छन् । यद्यपि, त्यहाँबाट नेपाली भाषा वा गोर्खा संस्कृतिमा लेखिएका वा नाचिएका गीतहरू न्यून मात्रै निर्माण र सार्वजनिक हुने गरेका छन् ।
पछिल्लो समय नेपालमा गीतहरू उश्रृङखल भए, मौलिकता गुमाए भन्ने गुनासो बढिरहेको छ । यस्तोमा आसाममा रहेका नेपालीभाषी युवाहरूले आफ्नो कला र संस्कृति संरक्षण तथा प्रचारप्रसारमा गरेको प्रयास उदाहरणीय मान्न सकिने सरोकारवालाहरू बताउँछन् ।
नेपाली संगीत र साहित्यलाई माया गर्ने दीपक खनाल आसाममा रहेका नेपालीभाषीले नेपाली कला, संस्कृतिको संरक्षण र सम्बद्र्धनमा दिएको योगदान उच्च रहेको बताउँछन् ।
‘हामीले बरु हाम्रो संस्कार, संस्कृति, परम्परा बिर्सिँदै गइरहेको पाउँछौं । तर, पुस्तौंपुस्ता बाहिर बसेर पनि नेपाली संस्कृति, संगीत, धर्म, संस्कारलाई संबद्र्धन गरिरहनुभएको छ । त्यही कुरा गीतमा हेर्न पाइएको छ,’ खनाल भन्छन् ‘युवाहरूको कदम साँच्चिकै कदरयोग्य छ ।’
उक्त गीतले आसामका नेपाली आफ्नो पुख्यौली नेपाली भाषा, मौलिक संस्कार, संस्कृति र परम्परालाई जोगाउन कति सचेत छन् भन्ने समेत देखाउने उनले बताए ।
हेरौं भिडियोः
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
मोडल एवं अभिनेत्री दीपाशा बीसी ‘जलपरी’को मृत्यु भएको छ । स्वास्थ्यमा समस्या आएपछि बुधवार राति थापाथलीस्थित नर्भिक अस्पताल भर्ना भएकी २८ वर्षीया उनको बिहीवार दिउँसो मृत्यु भएको हो । अस्पतालले उनलाई म...
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
कलाकार शिशिर भण्डारीले आफ्नो हिट गीत ‘फोटो फिरिममा’ शीर्षकमा टेलिसिरियल ल्याउने भएका छन् । निर्माणको तयारी सुरु भइसकेको टेलिसिरियलमा उनकै कथा, पटकथा एवं संवाद लेखन रहनेछ । उ...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...