त्रिशूली नदीको बीच भागमा अड्किएका एक पुरुषको शव सशस्त्र प्रहरीले बाहिर निकालेको छ ।

विपद् व्यवस्थापन तालिम शिक्षालय कुरिनटारबाट गोताखोरसहितको सुरक्षा फौजले उक्त शव पानीबाट बाहिर निकालेको हो ।

उक्त शव चितवन र तनहुँको बीच भागमा पर्ने मुग्लिन पुलनजिकै त्रिशूली नदीको बीच भागमा अड्किएको पाइएको थियो ।

‘इलाका प्रहरी कार्यालय मुग्लिनबाट जानकारी पाएलगत्तै विपद् व्यवस्थापन तालिम शिक्षालय कुरिनटारबाट गोताखोरसहितको सुरक्षा फौजले उक्त शव बिहीबार पानीबाट बाहिर निकालेको हो,’ सशस्त्रका प्रवक्तासमेत रहेका डीएसपी शैलेन्द्र थापाले जारी गरेको सूचनामा उल्लेख छ ।