कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोट | कात्तिक २२, २०८०
जाजरकोट नलगाड क्षेत्रलाई इपीसेन्टर बनाएर शुक्रबार राति ६.४ म्याग्निच्युडको भूकम्प भयो । मध्येराति नलगाडका ४५ वर्षीय हस्तबहादुर विक घरको माथिल्लो तलामा सुतेका थिए । भूकम्पले हल्लायो । उनी माथिबाट हाम फालेर तल झरे । कसरी हाम फाले अहिलेसम्म उनले सम्झेका छैनन् । उनकी श्रीमती ४१ वर्षीया पवित्र विक पनि कसरी झरिन् उनलाई सम्झना छैन ।
घर भत्कियो । तल्लो तलामा उनका छोरा २३ वर्षीय भीमसेन विक, बुहारी २१ वर्षीया कमला विक र ३ वर्षीय नाति सन्देश विक सुतेका थिए । उनीहरू घरसँगै पुरिए । हस्तबहादुरको होस हवास उड्यो । उनका हातगोडा गले । उनले केही सोच्न र गर्न सकेनन् ।
‘तल हाम फालेँ तर तल्लो तलामा भएका छोरा बुहारी सम्झेपछि एक छिन् त मेरा गोडा चलेनन्,’ हस्तबहादुरले भक्कानिँदै लोकान्तरसँग भने ।
जताततै धुलोको मुस्लो थियो । हल्लाई राखेको थियो । घरको माटो र ढुङ्गाले पुरिएका छोराबुहारी र नातिलाई भेट्टाउन पनि सकेनन् । करिब ४ घण्टा खोजी गरेपछि यहाँनेर छन् होला भनेर अनुमान लगाएर माटो पन्छाउन थाले ।
उनीहरूलाई त भेट्टाए तर, जिउँदो थिएनन् । आखाँअगाडि आफ्ना सन्तान गुमाउँदा उनको आँसु थामिएनन् । श्रीमती पवित्रालाई सम्झाउने त परको कुरा थियो । हस्याङफस्याङ गर्दै शव निकाले ।
छोरा भीमबहादुरले भारतको कारगीलमा जोडरको अपरेटरका रूपमा काम गर्दै आएका थिए । त्यही कमाइले आफ्नो परिवार पालेका थिए । उनका अरु ३ वटा छोरा पनि छन् । तर उनीहरू पढ्दै गरेकाले कमाउने मेसो छैन ।
भीम दशैं मनाउन भारतबाट नेपाल आएका थिए । भीमबहादुरले यसपालि नयाँ घर बनाएर बस्ने योजना सुनाएका थिए । ‘छोराले एउटा योजना बनाएको थियो । घर पुरानो भयो अब नयाँ घर बनाएर सर्ने हो बुवा भनेको थियो । अहिले छोरा पनि छैन र पुरानो घर पनि छैन,’ हस्तबहादुरले रुँदै आफ्नो बेदना लोकान्तरलाई सुनाए ।
भीमबहादुरले हिउँदसम्म गाउँमै नयाँ बलियो घर बनाउने योजना बनाएका थिए । तर हिउँद नआउँदै उनीहरूको सपना भूकम्पले उडायो । ‘सपनासँगै सबै आशा पनि उड्यो,’ हस्तबहादुरले लोकान्तरसँग भने ।
उनकी श्रीमती पवित्रा अहिले पनि अर्धचेत अवस्थामा छिन् । उनी छोरालाई उद्धार गरेको ठाउँमा भत्केको घरको माटो सुम्सुम्याउँदै थिइन् । कहिले यता आफ्ना छोराबुहारी र नाति भएको ठाउँमा आउँथिन् त कहिले घर भत्केको ठाउँमा पुग्थिन् ।
‘यो मेरो छोराको जुत्ता हो नचला,’ बेहोसीमै भूकम्पले भत्काएको घर नजिकै भएको जुत्तालाई देखाउँदै उनी भन्थिन् । कपडा देखेपछि ‘छोराको सर्ट हो नचला’ ‘बुहारीको हो त्यो’ यस्तैयस्तै बेहोसीमा कराई रहन्थिन् । ‘अहिले उ अचेत अवस्था छ । हिजैबाट केके बोल्छे बोल्छे,’ हस्तबहादुरले आफ्नी श्रीमतीको अवस्था देखाउँदै लोकान्तरसँग भने ।
आइतबार बिहान करिब ४ घण्टाको बसाइमा उनले आफ्नो भत्केको घरमा करिब १० फन्का लगाए । भत्किएको घर हेरे । आफ्नो कपाल खौरिए । सेतो कपडा लगाए अनि त्यसपछि आफ्नो छोराबुहारी र नातिलाई सद्गद्का लागि त्यहाँबाट व्यवस्था मिलाएर नलगाड खोलातर्फ लागे ।
गाउँ अहिले शोकमा छ । शुक्रबार पछिका रात उनीहरूले खुला आकाशमुनि बिताएका छन् । भूकम्पले गाउँमा १२ जनाको ज्यान गएको थियो ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...