स्किल सेवाले घर निर्माणसम्बन्धी निःशुल्क प्राविधिक परामर्श कार्यक्रम गर्दै आइरहेको छ ।

घरसम्बन्धी चुनौतीहरूको पहिचान र समाधान गर्न विगत पाँच वर्षदेखि सेवाले आफ्ना ३ शाखाहरूमार्फत काम गर्दै आइरहेको छ ।

सेवाले घर निर्माणसँग सम्बन्धित जग्गा छनोट, नक्सा स्वीकृति, सामग्री छनोट, निर्माण सामग्रीको गुणस्तर, आवश्यक कागजातहरू र प्रक्रियाहरूबारे महत्वपूर्ण सुझाव प्रदान गर्न निःशुल्क परामर्श कार्यक्रम सञ्चालन गरिरहेको छ ।

कम्पनीका प्रमुख कार्यकारी अधिकृत रमेश तिमिल्सिनाका अनुसार कम्पनीले हरेक शनिवार बिहान ८ बजेदेखि दिउँसो ४ बजेसम्म निःशुल्क परामर्श कार्यक्रम सञ्चालन गर्ने गरेको छ ।

स्किल सेवाले पोखरा, चितवन र बुटवलजस्ता ठूला शहरहरूमा सुरक्षित, दिगो र समस्यारहित घर निर्माण गर्न विशेष सल्लाह प्रदान गर्ने लक्ष्य राखेको उनले बताए ।

असुरक्षा, खेर जाने सक्ने लगानी र पुनः बिक्रीमा आउने कठिनाइलगायतका सम्भावित जोखिमहरूलाई हाइलाइट गर्दै तिमिल्सिनाले घर निर्माणको परियोजनामा लाग्नुअघि प्राविधिकसँग परामर्श गर्नु पर्नेमा जोड दिए ।

उनले सम्भावित र वर्तमान घरधनीहरूलाई कार्यक्रमको फाइदा लिन आग्रह गर्दै भने, ‘प्राविधिकसँग परामर्श लिएर घर निर्माण गर्दा हामी सुरक्षित र दिगो घर निर्माण गर्न सक्छौं । साथसाथै प्रक्रियागत त्रुटीसमेत नहुने भएकाले समस्यारहित घर निर्माण गर्न सकिन्छ । यसका अतिरिक्त प्राकृतिक विपद्, हावाहुरी, घामपानीबाट पनि घर सुरक्षित बन्ने गर्दछ ।’