२१ जना प्रहरी सम्पर्कविहीन, प्रधान कार्यालयले निकाल्यो सूचना

नेपाल प्रहरीमा कार्यरत २१ जना सम्पर्कविहीन भएको छ । प्रहरी कर्मचारीहरू आफूखुसी कार्यालयमा गैरहाजिर रहेको र खोजतलास गर्दा समेत फेला नपरेको भन्दै प्रहरी प्रधान कार्यालयले बिहीबार सार्वजनिक सूचना प्रकाशित गरेको छ । 

सूचनामा बाटोको म्याद बाहेक सात (७) दिनभित्र आफू गैरहाजिर रहनुको कारण खोली सन्तोषजनक स्पष्टीकरण जवाफ सहित सम्पर्क गर्न अनुरोध गरिएको छ । अन्यथा प्रहरी नियमावली, २०७१ को नियम ११३ को उपनियम  (१) को खण्ड (च) को कसुरमा ऐ. नियमावलीको नियम १०९ को देहाय (ख) (१) बमोजिम सेवाबाट हटाउने कारबाही हुने सूचनामा उल्लेख छ ।