युवा लोकगायक अर्जुन सापकोटाले दाङको हापुरे महोत्सवमा दर्शक झुमाएका छन् ।

आइतवार मुख्य आकर्षणका रुपमा उपस्थित उनले आफ्ना चर्चित गीतहरू प्रस्तुत गरे । 

‘हावा चिसो चिसो’, ‘पानी परेको’, ‘दुई दुना चार’, ‘फुल्यो गुराँस’, ‘डाँडैको टुनी’ लगायतका गीत गाउँदा दर्शकले हुटिङ र तालीले साथ दिए । 

बहुचर्चित गीत ‘हावा चिसो चिसो...’ गाइरहँदा थुप्रैले पछ्यौरी उपहार समेत दिए । 

दर्शकको बाक्लो उपस्थितिकाविच सापकोटाले झण्डै डेढ घण्टा आफ्ना गीतमार्फत उपस्थितलाई झुमाएका थिए । 

महोत्सवमा आइतवार विजय पुन, राजेश भण्डारी, शान्तराम चौधरी, एमटी महर लगायतको समेत प्रस्तुति रहेको थियो । 

लोकदोहोरीमा छोटो अवधिमा स्रोता–दर्शकमाझ रुचाइएका गायक सापकोटा पछिल्लो समय मेला महोत्सवमा व्यस्त छन् ।

उनले सोमवार बर्दियाको गुलरियामा जारी महोत्सवमा प्रस्तुति दिँदैछन् ।