बलिउड अभिनेता ऋतिक रोशन विगत २४ वर्षदेखि चलचित्र क्षेत्रमा सक्रिय छन् । उनको फिल्म फाइटर २५ जनवरीमा रिलिज हुँदैछ ।

ऋतिकको पछिल्लो १० वर्षको करियरलाई हेर्ने हो भने उनका ६ वटा मात्रै फिल्म रिलिज भएका छन् । यीमध्ये एउटा मात्रै चलचित्र मोहनजोदारो फ्लप भयो भने अर्को चलचित्र विक्रम वेधाले अपेक्षाअनुरूप चल्न सकेन । बाँकी ४ चलचित्र बक्स अफिसमा हिट भए ।

सबैभन्दा बढी पारिश्रमिक लिने कलाकारको सूचीमा ऋतिकको नाम छैटौं नम्बरमा छ । योसँगै उनको कुल सम्पत्ति ३ हजार ११७ करोड भारु छ। उनको नाम भारतका धनी कलाकारको सूचीमा तेस्रो स्थानमा छ । कमाइको मामिलामा सलमान खान र अक्षय कुमार पनि पछि छन् ।