कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
काठमाडाैं | माघ १०, २०८०
प्रदेश सरकारले सञ्चालन गरेको मेची अस्पताल (प्रादेशिक अस्पताल)मा आठ महिनादेखि बाल रोग विशेषज्ञ चिकित्सक नहुँदा सर्वसाधारण नागरिकले सेवा पाउन सकेका छैनन् । त्यहाँ कार्यरत डाक्टर रविन रेग्मी गत असारमा सरुवा भई अन्यत्र गएपछि अस्पतालबाट बालबालिकाहरूले विशेषज्ञ सेवा पाउन सकेका छैनन् । प्रदेश सरकारले समयमा चिकित्सक नपठाएका कारण समस्या भइरहेको अस्पतालका मेडिकल सुपरिटेन्डेन्ट रामबाबु खड्काले बताए ।
प्रदेश स्तरीय अस्पतालमा विशेषज्ञ पदपूर्ति गर्न नसकेको कोशी प्रदेश सरकारले निजी अस्पतालमा भने बालबालिकाको उपचार गराउन सम्झौता गरेको छ । प्रदेशभरिका १० वर्षमुनिका बालबालिकाको निःशुल्क उपचार गराउन आइतबार मात्र सरकारले चारवटा निजी अस्पतालसँग सम्झौता गरेको हो ।
हाम्रो अस्पताल विराटनगर, विराट शिक्षण अस्पताल विराटनगर, नोबेल शिक्षण अस्पताल विराटनगर र काठमाडौं इन्स्टिच्युट अफ चाइल्ड हेल्थ दमकसँग सम्झौता गरेको हो ।
प्रदेश मातहत नै रहेको मेची अस्पतालमा स्वीकृत दरबन्दी १०३ जनाको रहेको छ । त्यसमध्ये विशेषज्ञ डाक्टरको दरबन्दी २१ जनाका रहेको छ । फिजिसियन एक जना, सर्जन एक जना, रेडियोलोजिस्ट एक र दन्त चिकित्सक एक जना गरी अहिले चार जना विशेषज्ञ चिकित्सक मात्र प्रदेश सरकार मातहत छन् ।
छात्रवृत्तिमार्फत् करारमा १९ जना रहेका चिकित्सक कार्यरत छन् । छात्रवृत्तिमार्फत विशेषज्ञ चिकित्सक आठ जना रहेका छन् । एक महिना अघि १० जना चिकित्सक कार्यरत रहेकोमा करार अवधि सकिएपछि दुई जना बाहिरिएको अस्पताल प्रशासनका कर्मचारी वशिष्ठ अधिकारीले जानकारी दिए । उनकाअनुसार अर्का एक जना विशेषज्ञ चिकित्सकको सेवा करार पनि यसै महिना सकिँदैछ ।
विशेषज्ञ डाक्टर नहुँदा उक्त अस्पतालले गत असारदेखि नै ओपिडी सेवा मात्र सञ्चालन गरिरहेको छ । ‘चिकित्सकहरूले अहिले ओपिडीसम्म धानिदिनुभएको छ,’ नासु अधिकारीले भने ‘वार्ड त चलाउने कुरै भएन । दरबन्दी अनुसारको स्वास्थ्यकर्मी र कर्मचारी नहुँदा जेनतेनले मात्र अस्पताल चलिरहेको छ ।’
प्रदेश सरकारसँग स्वास्थ्यकर्मी र कर्मचारी माग गरे पनि अहिलेसम्म नपठाएको गुनासो उनले गरे । ‘फोन गर्दा पठाउने तयारीमा छौं भन्ने जवाफ मात्रै आउने गरेको छ, तर काम भइरहेको छैन,’ अधिकारीले भने ।
यता स्वास्थ्य मन्त्रालयसमेत आफैंसँग राखेका मुख्यमन्त्री कार्कीले भने अब चाँडै अस्पतालमा डाक्टर पठाउने तयारी भइरहेको बताएका छन् । उनले करारमा भए पनि कर्मचारी नियुक्त गरेर विशेषज्ञको सेवा अभाव हुन नदिने बताए ।
अस्पतालहरूसँग सम्झौता गर्दै मुख्यमन्त्री कार्कीले बच्चा अस्पतालमा भर्ना गरेर अभिभावकले ऋण खोज्न जाने दिनका अन्त्य गरेको बताए । तर, आठ महिनादेखि रिक्त रहेको चिकित्सकको पदपूर्ति नगर्दा सर्वसाधारणले महँगोमा निजी अस्पतालबाट सेवा लिनुपर्ने बाध्यता छ ।
स्वास्थ्य मन्त्रालयका सचिव डा. सुधा देवकोटाले छिट्टै चिकित्सक पठाउने तयारीमा रहेको जानकारी दिइन् । ‘आज (बुधबार) नै डाक्टरहरूको परीक्षा हुँदैछ,’ उनले भनिन् ‘केही समय ढिलो भयो । हाम्रो पनि केही बाध्यता थियो । अब अन्त्य भएको छ ।’ थप डक्टरहरू छात्रवृत्तिबाट पनि मगाएको उनले बताइन् ।
अस्पताल विकास समितिका कारण पनि केही समस्या भएको उनले बताइन् । ‘अस्पतालमा केही आम्दानी हुन्छ र त्यसो विकास समितिले खर्च गर्छ, त्यो रकम खर्चिने गरी समितिले नै आवश्यक चिकित्सक राख्न सक्छ तर त्यसो नगरेका कारण पनि समस्या देखिएको हो,’ सचिव देवकोटाले भनिन् ।
चिकित्सक अभाव भएको विषय सदनमा पटक पटक उठाए पनि सरकारले चासो नदिएको प्रदेश सभा सदस्य छविलाल चुडालले बताए । उनले सरकार गम्भीर नहुँदा बिरामीले सहजरूपमा निःशुल्क उपचार नपाएको बताए ।
सरकारी अस्पतालहरूमा विशेषज्ञ डाक्टरको व्यवस्था नभएसम्म सरकारले जति सुकै राम्रो कार्यक्रम ल्याए पनि प्रभावकारी नहुने उनको भनाइ छ । कोशी प्रदेशमा एक वर्ष मुनिका एक हजार बालबालिका मध्ये ३४ जनाको मृत्यु हुने गरेको सरकारी तथ्यांक रहेको छ ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...