अभिनेताहरू आर्यन सिग्देल, प्रदीप खड्का र पल शाहको शीर्ष भूमिका रहने फिल्म ‘पुजार सार्की’को छायांकन सुरु भएको छ । मंगलवार पोखराको कास्कीकोटमा शुभसाइत पूजापछि फिल्मको सुटिङ सुरु गरिएको हो । 

‘प्रकाश’ फेम्ड दिनेश राउतले निर्देशन गर्ने यो फिल्मको कथा विकास सुवेदीले लेखेका हुन् । 

सुवास भुसाल निर्माता रहेको फिल्म जातीय विभेद विरुद्ध समाजका तीन पात्रहरूले गर्ने साझा संघर्षको कथामा निर्माण हुन लागेको निर्देशक राउतले जानकारी दिए । फिल्ममा अञ्जना बराइली र परीक्षा लिम्बुले पनि प्रमुख भूमिकामा अभिनय गर्दैछन् । 

मोहन निरौला, लोकेन्द्र लेखक, सुवास गजुरेल, विद्या कार्की लगायतको समेत अभिनय रहने फिल्मलाई राजेश श्रेष्ठले खिच्दैछन् ।