अभिनेता एवं गायक कोशिस क्षेत्री वैवाहिक सम्बन्धमा बाँधिएका छन् । 

उनले प्रेमीका सन्ध्या ढुंगानासँग विवाह गरेका हुन् । विगत ५ वर्षदेखि प्रेमसम्बन्धमा रहेका उनीहरूले एक वर्षअगाडि इन्गेजमेन्ट गरेका थिए । 

दुईको सीमित पारिवारिक व्यक्तिहरूको उपस्थितिमा माघ १७ गते (बुधवार) विवाह भएको हो । 

कोशिस र सन्ध्या दुवैको घर हेटौडा हो । 

गायन हुँदै अभिनयमा प्रवेश गरेका कोशिस अभिनीत फिल्म ‘ऐंचोपैचो‘ र ‘परस्त्री‘ यही वर्ष प्रदर्शनमा आएका थिए । सन्ध्याले भने मनोविज्ञानमा स्नातकोत्तर पूरा गरेकी छन् ।