कात्तिक १९, २०८०
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
काठमाडाैं | माघ २७, २०८०
पछिल्ला तीन महिना हलमा नेपाली चलचित्र (फिल्म)को खडेरी देखियो । कात्तिक २४ गते प्रदर्शनमा आएको ‘दिमाग खराब’यता एकाध मात्रै नेपाली फिल्म प्रदर्शनमा आए । मंसिर महिनाभर जम्मा दुइटा मात्र नेपाली फिल्म रिलिज भए ।
महिनाको अन्तिम शुक्रवार २९ गते ‘दुई कदम’ र ‘जम्प’ प्रदर्शनमा आए पनि दुवै फिल्मले लगानीको सानो हिस्सा पनि हलबाट उठाउन सकेनन् । त्यसपछि पुसमा पनि महिनाभर जम्मा दुईवटा मात्रै नेपाली फिल्म रिलिज भए । पुसको २७ गते प्रदर्शनमा आएका ‘चित्रा’ र ‘पर्खी बसेँ तिमीलाई’ दुवै फिल्म बक्स अफिसमा नराम्रोसँग चिप्लिए । त्यसको एक महिनापछि शुक्रवार (माघ २५)बाट सिमोस सुनुवार निर्देशित ‘हात्तीछाप’ र माओत्से गुरुङ निर्देशित ‘दयारानी’ गरी एकसाथ दुईवटा नेपाली फिल्म प्रदर्शनमा आएका छन् ।
यसपछि हप्तैपिच्छेजस्तो नयाँ–नयाँ नेपाली फिल्म प्रदर्शनका लागि पाइपलाइनमा छन् । कुनै साता दुईदेखि तीन वटासम्म फिल्म जुध्ने तरखरमा छन् । रिलिजको लाइनअप हेर्दा आउँदो जेठसम्म हलमा फिल्मको खडेरी नहुने अनुमान रहेको वितरक रोहित कट्टेल बताउँछन् ।
शुक्रवारबाट प्रदर्शनमा आएको ‘हात्तीछाप’का वितरकसमेत रहेका कट्टेलले भने, ‘कुनै–कुनै साता छाड्ने हो भने जेठसम्म हरेक साताजसो फिल्म रिलिज हुने देखिएको छ ।’
हलमा दयाहाङ भर्सेस दयाहाङ
शुक्रवारबाट प्रदर्शनमा आएका ‘हात्तीछाप’ र ‘दयारानी’ दुवै फिल्ममा दयाहाङ राई शीर्ष भूमिकामा छन् । जसमध्ये ‘हात्तीछाप’मा दयाहाङको जोडीका रुपमा उपासना सिंह ठकुरी छिन् । साथमा, सौगात मल्ल, बेनिशा हमाल, बुद्धि तामाङ, विजय बराल लगायतका कलाकारले पनि फिल्ममा शीर्ष भूमिकामा अभिनय गरेका छन् ।
त्यस्तै, ‘दयारानी’मा दयाहाङको जोडीका रुपमा दीया पुन छिन् । साथमा, विजय बराल, प्रमिश गुरुङ, श्रीशा गुरुङ लगायतका कलाकारको पनि अभिनय छ । यी दुवै आशा गरिएका फिल्म हुन् ।
फागुनमा ‘बाढी’
फागुनमा भने फिल्म रिलिजको ‘बाढी’ आउने देखिएको छ । आगामी शुक्रवार (फागुन ४)बाट आकाश मगर निर्देशित फिल्म ‘जिग्री’ प्रदर्शनमा आउँदैछ । अभयराज बराल, आकाश मगर, सुशीलराज पाण्डे, पशुपति राई, सुप्रिया राना, रोशन सुवेदी लगायतको अभिनय यो फिल्म देख्न सकिछ ।
फागुन ११ गतेबाट मिलन चाम्स निर्देशित फिल्म ‘गोर्खा वारियर’ प्रदर्शनमा आउनेछ । यो फिल्ममा रितेश चाम्स, विजय लामा, रेविका गुरुङ, सारा राई, कविता आले, शिशिर बाङ्देल, रेयर राई लगायतको अभिनय छ । फागुन १८ गतेबाट सौरभ चौधरी निर्देशित ‘अगस्त्य : च्याप्टर १’ प्रदर्शनमा आउनेछ । फिल्ममा सौगात मल्ल, नाजिर हुसेन, निश्चल बस्नेत, मलिका महत, प्रमोद अग्रहरी, बेन बस्नेत, विजय बराल, रवीन्द्र झा, शिशिर वाङदेल, सिम्रन खड्का लगायतको अभिनय छ । फागुन २५ गतेका लागि भने तीन फिल्मको प्रदर्शन तय छ । नवल खड्काले निर्देशन गरेको ‘काँडेतार’, ज्ञानेन्द्र देउजा निर्देशित रेखा थापाको फिल्म ‘उपहार’ र अर्जुन सुवेदीको निर्देशनमा रहेको ‘रंगेली’ उक्त मितिमा प्रदर्शनमा आउने घोषणा भएको छ ।
जसमध्ये ‘काँडेतार’मा निर्देशक नवलसहित गौरव पहारी, सुरबिना कार्की, रेविका गुरुङ, प्रशान्त यादव, मुरलीधर, प्रेम सुब्बा र सञ्जय खतिवडालगायत कलाकारको अभिनय छ ।
‘उपहार’मा रेखासहित बेनिशा हमाल, पूजा शर्मा, मुकुन भुसाल, तेज गिरी, समर्पणजंग कार्की, शिशिर राणा, सुष्मा कार्की लगायतको अभिनय छ । त्यसैगरी, ‘रंगेली’मा दयाहाङ राई, मिरुना मगर, अर्पण थापा, प्रवीन खतिवडा, रुपेश झा, रमेश बुढाथोकी लगायतको अभिनय देख्न सकिन्छ । यस्तै चैत, वैशाख र जेठमा पनि आशा गरिएका फिल्महरू प्रदर्शनमा आउँदैछन् ।
आशावादी हल व्यवसायी
शुक्रवारबाट प्रदर्शनमा आएका र आगामी फिल्मलाई लिएर हल व्यवसायीहरूसमेत आशावादी देखिएका छन् । फिल्म हल संचालकहरूको छाता संस्था नेपाल चलचित्र संघका महासचिव नरेन्द्र महर्जनले केही फिल्मले दर्शक तान्ने र राम्रो व्यापार गर्ने विश्वास लिएका छन् ।
‘शुक्रवारबाट रिलिज भएका पनि अपेक्षा गरिएका फिल्महरू हुन् । झनै फागुनमा त थुप्रै फिल्म आउँदैछन् । तीमध्ये केही फिल्मले दर्शक तान्लान्, राम्रो व्यापार गर्लान् भन्ने आशा छ,’ उनले भने ।
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
कलाकार शिशिर भण्डारीले आफ्नो हिट गीत ‘फोटो फिरिममा’ शीर्षकमा टेलिसिरियल ल्याउने भएका छन् । निर्माणको तयारी सुरु भइसकेको टेलिसिरियलमा उनकै कथा, पटकथा एवं संवाद लेखन रहनेछ । उ...
ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि । ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...