ललितानिवास जग्गा प्रकरणमा तत्कालीन मालपोत अधिकृतहरू कलाजर देउजा, सुरेन्द्रमान कपालीसहित १२ जनालाई विशेष अदालतले दोषी ठहर गरेको छ ।

विशेष अदालतका न्यायाधीशहरू खुशीप्रसाद थारू, रामबहादुर थापा र रितेन्द्र थापाको इजलासले बिहीबार यस्तो फैसला सुनाएको हो । 

दोषी ठहर हुनेमा जग्गा व्यक्तिको नाममा ल्याउन भूमिका खेल्ने बिचौलियाहरू रामकुमार सुवेदी, शोभाकान्त ढकाललगायत पनि छन् ।

दोषी ठहर भएकाहरूलाई जनही ७५ लाख जरिवाना र २ वर्ष कैद सजाय सुनाइएको छ ।

राजीनामा वा बकस पत्र गरी ६५ जनाको नाममा दर्ता भएको जग्गा जफत हुने ठहर समेत विशेष अदालतले गरेको छ ।