साउन ६, २०७८
मकवानपुरको मनहरि गाउँपालिका–८ हेटौंडा–नारायगढ सडकखण्डको सिमपानीमा रोकिराखेको एक ट्रकमा अवैधरूपमा ल्याइएको लागूपदार्थ गाँजा फेला परेपछि ट्रकसहित चालकलाई स्थानीय प्रहरीले नियन्त्रणमा लिएको छ...
काठमाडाैं | फागुन १०, २०८०
नेपाली कांग्रेसका केन्द्रीय सदस्य गणेश लामाले आफूलाई अपहरण गरेको भन्दै गैरआवासीय नेपाली ज्ञानेन्द्र खड्काले बुधवार विज्ञप्ति जारी गरेपछि यो विषयले तरंग उत्पन्न भयो ।
‘डन’ पृष्ठभूमि भएपनि पछिल्लो समय राजनीतिमा मात्रै सक्रिय देखिएका लामाले अपहरण गरेको भन्ने विषय निकै गम्भीर पनि थियो । आफूले यस विषयमा प्रहरीमा समेत उजुरी दिएको खड्काले उल्लेख गरेका थिए ।
बुधवार सार्वजनिक भए पनि घटना भने पुस २३ गतेको रहेछ । लामाले अपहरण गरेर २० करोड रुपैयाँ मागेको भन्दै खड्काले प्रहरीमा उजुरी दिएका रहेछन् ।
लामाविरुद्ध उजुरी परेपछि अपराध अनुसन्धान कार्यालयले अनुसन्धान सकी प्रतिवेदन समेत बुझाइसकेको पाइएको छ ।
अपहरण नभएको निष्कर्षसहित वारदातस्थल रहेको ललितपुर प्रहरीलाई फाइल बुझाइएको एक अनुसन्धान अधिकारीले लोकान्तरलाई जानकारी दिए ।
‘हामीले अनुसन्धान गर्दा कुनै पनि तथ्यले अपहरण नदेखिएकाले ललितपुरलाई मिलापत्रका लागि पठाएका हौं,’ अनुसन्धानमा खटिएका ती अधिकारीले लोकान्तरसँग भने ।
प्रहरी अनुसन्धानमा लामा र खड्का ललितपुरमा रहेको लण्डन हाउस होटलमा बसेको भेटियो ।
‘होटलमा उनीहरू करिब ७ घण्टा बसेको पाएका छौं । त्यहाँ दुवैजना हाँसीखुशी बसेको र २ पटक खाजा खाएको देखिन्छ,’ अनुसन्धानमा खटिएका प्रहरी अधिकृतले लोकान्तरसँग भने ।
प्रहरीले होटलका साहु र कामदारहरूसँग पनि बयान लिएको थियो । उनीहरूले दुवैजना हाँसीखुशी नै बसेर गएको बयान दिएका छन् ।
लामा र खड्का होटलबाट बाहिर निस्किँदा सौहार्दपूर्ण वातावरणमा निस्केको सीसीटीभी फूटेजमा देखिएको प्रहरीले जनाएको छ ।
प्रहरी परिसर ललितपुरका प्रमुख प्रहरी वरिष्ठ उपरीक्षक (एसएसपी) शेखर खनालले अनुसन्धान कार्यालयले बुझाएको प्रतिवेदन प्राप्त भएको र त्यसको अध्ययन भइरहेको बताए ।
‘फाइल हामीकोमा आएको छ । त्यो प्रतिवेदन अध्ययन गर्दैछौं,’ एसएसपी खनालले लोकान्तरसँग भने ।
यता गणेश लामाले भने २०७१ असोज ३० मा खड्काकी श्रीमतीलाई पास गरेर दिएको धुलिखेलको जग्गाको पैसा मागेको बताएका छन् ।
‘२०७१ सालमा नै मैले जग्गा पास गरिदिएको हुँ । त्यसपछि उहाँ फरार रहँदै आउनुभएको थियो । मैले उहाँसँग सम्पर्क भएपछि पैसा मागेको हुँ,’ लामाले लोकान्तरसँग भने ।
लामाका अनुसार छ महिनाभित्र पैसा चुक्ता गर्ने भनेर काठमाडौं महानरपालिका– १० को कार्यालयमा २ पक्षबीच सहमति समेत भएको थियो । तर, पनि पैसा चुक्ता गरेपछि कागज गराएको उनको भनाइ छ ।
यो विषयलाई भेरिफाइ गर्न सम्बन्धित वडाध्यक्षलाई बोलाएर सोधपुछ समेत गरिएको प्रहरीले जनाएको छ ।
उता, खड्काले भने लामा र उनका साथी सहदेव कक्षपतिले आफूलाई बन्धक बनाएर कागज गराएको भन्दै सामाजिक सञ्जालमार्फत विज्ञप्ति जारी गरेका थिए ।
‘मेरो गाडी छेकी मास्क र टोपी लगाएर मलाई त्यहाँबाट अपहरण गरी सानेपास्थित लन्डन हाउस होटलको रूममा लगेर ८ घण्टाभन्दा धेरै बन्धक राखी तँसँग २००/३०० करोड पैसा उठाउनु छ, हामीसँग पुलिस, सीआईबी सबै मिलेको (छन्) सम्म भनेर धम्की दिएर तँसँग क्रिप्टो र बिटक्वाइन छ भनेर मेरो मोबाइल र ल्यापटपसमेत कब्जा गरेका हुन्,’ उनले विज्ञप्तिमा भनेका छन् ।
क्रिप्टो र बिटक्वाइन नभेटेपछि जबरजस्ती २० करोडको कागज गराइएको उनको आरोप थियो ।
स्रोतका अनुसार गणेश लामाकी श्रीमती र ज्ञानेन्द्र खड्काकी श्रीमतीले संयुक्तरूपमा व्यापार गर्दै आएका थिए ।
त्यही क्रममा उनीहरूले पैसाविनै जग्गा पास गरेको देखिएको छ । लामाले अहिले त्यही जग्गाको पैसाका लागि खड्कालाई दबाब दिँदै आएको स्रोतको दाबी छ ।
हेर्नुहोस्, सम्बन्धित जग्गाको पुर्जा:
मकवानपुरको मनहरि गाउँपालिका–८ हेटौंडा–नारायगढ सडकखण्डको सिमपानीमा रोकिराखेको एक ट्रकमा अवैधरूपमा ल्याइएको लागूपदार्थ गाँजा फेला परेपछि ट्रकसहित चालकलाई स्थानीय प्रहरीले नियन्त्रणमा लिएको छ...
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...