इंग्लिस प्रिमियर लिग फूटबलमा न्युक्यासल युनाइटेडले फराकिलो जीत दर्ता गरेको छ । 

न्युक्यासलले शनिवार राति घरेलु मैदानमा वल्भ्समाथि ३–० गोल अन्तरको फराकिलो जीत दर्ता गरेको हो ।

न्युक्यालको जीतमा एलेक्सान्डर इसाक, एन्थोनी गोर्डन र भालेन्टिनो लिब्रामेन्टोले एक–एक गोल गरे ।

यस जीतले न्युक्यासल २७ खेलबाट ४० अंक जोडेर आठौं स्थानमा उक्लिएको छ । पराजित भएको वल्भ्स ३८ अंकसहित १०औं स्थानमा छ ।

प्रिमियर लिगकै अर्काे खेलमा  लन्डन क्लब चेल्सी भने बराबरीमा रोकिएको छ । चेल्सीले तुलनात्मक सानो टोली ब्रेन्टफर्डसँग २–२ गोलको बराबरी खेलेको छ । ब्रेन्टफर्डका म्याड्स रोरस्लेभ र योएनी विसाले गोल गर्दा चेल्सीका निकोलस ज्याक्सन र एक्सेल डिसासीले बराबरी गोल फर्काएका हुन् ।

यस बराबरीसँगै चेल्सी २६ खेलबाट ३६ अंक जोडेर ११औं स्थानमा यथावत छ । ब्रेन्टफर्ड २७ खेलबाट २६ अंक जोडेर १५औं स्थानमा रहेको छ ।

टोटनहमको पुनरागमन जीत