नेपाली कांग्रेस राष्ट्रियसभा संसदीय दलको नेतामा कृष्णप्रसाद सिटौला मनोनीत भएका छन् । 

उनलाई शनिवार पार्टी सभापति शेरबहादुर देउवाले संसदीय दलको नेतामा मनोनयन गरेको कांग्रेस संसदीय दलको निजी सचिवालयले जनाएको छ । 

देउवाले संसदीय दलको धारा १२ को उपधारा १ बमोजिम दलको नेता चयन गरेको संसदीय दलका निजी सचिव केशव जोशीले जारी गरेको विज्ञप्तिमा उल्लेख छ ।

सिटौला गत माघमा भएकाे राष्ट्रियसभाको निर्वाचनमा कोशी प्रदेशबाट निर्वाचित भएका थिए । अब उनलाई कांग्रेसको तर्फबाट राष्ट्रिसभा अध्यक्ष उम्मेदवारको रुपमा हेरिएको छ ।