नेपाली बजारमा आज सुन र चाँदी दुवैको मूल्य घटेको छ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला १ हजार रुपैयाँले घटेर प्रतितोला १ लाख २५ हजार रुपैयाँ कायम भएको छ ।

यसैगरी तेजाबी सुनको मूल्यमा पनि प्रतितोला १ हजार रुपैयाँले घटेर प्रतितोला १ लाख २४ हजार ४०० रुपैयाँमा कारोबार भइरहेको छ । 

चाँदी प्रतितोला ३० रुपैयाँले कमी भई प्रतितोला १ हजार ४ सय ६५ रुपैयाँमा कारोबार भइरहेको महासङ्घले जनाएको छ ।

अन्तर्राष्ट्रिय बजारमा सुन र चाँदीको मूल्यमा भएको सामान्य गिरावटसँगै त्यसको असर नेपाली बजारमा पनि देखिएको हो ।