इलाम २ र बझाङको प्रदेश सभा 'क'मा वैशाख १५ गते हुने उपनिर्वाचनको लागि उम्मेदवार सिफारिसलाई अनुमोदन गर्न कांग्रेसले आगामी मंगलरवार केन्द्रीय कार्यसम्पादन समितिको बैठक बोलाएको हो । 

कांग्रेस केन्द्रीय कार्यालययका मुख्य सचिव कृष्णप्रसाद पौडेलले बैठक चैत २० गते दिउँसो २ बजे सभापति शेरबहादुर देउवाको बूढानीलकण्ठस्थित निवासमा बस्न लागेको जानकारी दिए । 

उनका अनुसार सोही दिन पहिले संसदीय बोर्डको बैठक बस्नेछ ।

'बैठकले इलाम र बझाङका लागि उम्मेदवारको सिफारिस गर्छ’, पौडेलले भने, ‘लगत्तै केन्द्रीय कार्यसम्पादन समितिको बैठक बसेर उम्मेदवारी मनोनयनलाई अनुमोदन गर्छ ।’

इलाम २ का लागि एमालेले सुहाङ नेम्वाङ, राष्ट्रिय स्वतन्त्र पार्टीले मिलन लिम्बूलाई उम्मेदवार बनाउने निर्णय गरिसकेको छ ।

आगामी वैशाख १५ मा हुने उपनिर्वाचनका लागि यही चैत २४ गते मनोनयन गर्ता हुँदै ।