कर्णाली प्रदेशका मुख्यमन्त्री राजकुमार शर्माले मङ्गलवार विश्वासको मत लिने तयारी गरेका छन् । नेपाली कांग्रेस सरकारबाट बाहिरिएसँगै अल्पमतमा परेका मुख्यमन्त्री शर्मा विश्वासको मत लिने तयारीमा जुटेका हुन् ।

मुख्यमन्त्री शर्माले चैत २० गते मङ्गलवार विश्वासको मत लिने पत्र प्रदेश सभा सचिवालयलाई पठाइसकेको मुख्यमन्त्रीका प्रेस विज्ञ प्रतीक इच्छुक शर्माले जानकारी दिए।

गठबन्धनमा रहेका दल माओवादीका १३, एमालेका १० र एकीकृत समाजवादीको एक गरी २४ जना छन् ।

चालीस सदस्यीय कर्णाली प्रदेश सभामा बहुमतका लागि कम्तीमा २१ प्रदेश सभा सदस्य आवश्यक पर्छ ।

योसहित मुख्यमन्त्री शर्माले तीन पटक विश्वासको मत लिनेछन् ।