कर्णाली प्रदेशसभाको बैठक स्थगित भएको छ । मंगलवार दिउँसो ३ बजे बस्ने भनिएको बैठक स्थगित भएको हो । 

विशेष कारणवश बैठक स्थगित गरिएको प्रदेशसभा सचिवालयका प्रमुख सचिव जीवराज बुढाथोकीले जारी गरेको विज्ञप्तिमा उल्लेख छ ।

मंगलवार स्थगित भएको बैठक बुधबार ३ बजे बस्नेछ ।

यतिबेला सरकार गठनका विषयमा गठबन्धनमा आबद्ध दलहरू नेकपा (एमाले) र नेकपा (माओवादी केन्द्र)का शीर्ष नेताहरूबीच वार्ता चलिरहेको छ । उनीहरूबीच मंगलवार सहमति नहुँदा बैठक स्थगित गरिएको स्रोतले जनाएको छ ।

आफ्नो पार्टीबाट मुख्यमन्त्री बनेका राजकुमार शर्मालाई दोहोर्याउने अडान माओवादी केन्द्रले लिएको छ । यसमा एमाले सहमत भएको छैन । ​