इंग्लिस प्रिमियर लिग फूटबलमा साविक विजेता म्यानचेस्टर सिटीले फराकिलो जीत निकालेको छ । शनिवार राति भएको खेलमा सिटीले लुटन टाउनमाथि ५–१ गोल अन्तरको सहज जीत निकालेको हो । 

सिटीले उपहार गोलमार्फत् खेलको दोस्रो मिनेटमै अग्रता लिएको थियो । त्यसपछि माटेओ कोभासिच, एर्लिङ हालान्ड र जेर्मी डोकुले एक–एक गोल गरेपछि सिटी ८७ औँ मिनेटमा ४–० ले अगाडि रह्यो । 

तर लुटन टाउनका लागि रोस ब्राकलेले ८१ औँ मिनेटमा एक गोल फर्काए । जाको गाभ्राडिओलले अतिरिक्त समयमा गोल गरेपछि सिटीले ५–१ को सहज जीत निकालेको हो ।

जीतसँगै सिटी लिगको शीर्ष स्थानमा उक्लिएको छ । सिटीले ३२ खेलबाट ७३ अंक बनाउँदा एक खेल कम खेलेको आर्सनल र लिभरपुलको समान ७१ अंक रहेको छ ।

प्रिमियर लिगकै अन्य खेलमा नटिङघम फरेस्ट र वुल्भ्सले दुई–दुई गोलको बराबरी खेल्दै अंक बाँड्दा बर्नले र ब्राइटनले एक–एक गोलको बराबरी खेले । 

यस्तै, न्युक्यासल युनाइटेडले टोटनह्याममाथि ४–० को सहज जित दर्ता गरेको छ ।