बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आइतबार वेर्डर ब्रेमनमाथि ५-० को सहज जीतसंगै लेभरकुसनको पहिलो लिग उपाधि जितेको हो ।

लेभरकुसनको जितमा फ्लोरियन विर्ट्जले ह्याट्रिक गरे भने भिक्टर बोनिफेशले र ग्रानिट झाकाले खेलमा एक-एक गोल गरे ।

९०औं मिनेटमा विर्ट्जले गोल गरेपछि समर्थकहरूले मैदान प्रवेश गरेपछि रेफ्रीले खेल अन्त्य गरेका थिए । लेभरकुसन यस सिजन अपराजित रहेको छ ।

लेभरकुसनको जितसँगै बायर्न म्युनिखको ११ लगातार लिग उपाधि यात्रापछि पूर्णविराम लागेको छ । २०११-१२ को सिजनमा बोरुसिया डर्टमुण्डले लिग तालिका जितेयता बायर्नले लगातार लिग तालिका जित्दै आएको थियो ।

लेभरकुसनको २९ खेलमा २५ जीत र ४ बराबरीसहित ७९ अंक पुगेको छ । दोस्रो स्थानमा रहेको बायर्नको २९ खेलमा ६३ अंक रहेको छ । दुवै टोलीले समान ५ लिग खेल बाँकी रहेको छ ।