बलिउड अभिनेता सलमान खानको घरबाहिर गोली चलाएको अभियोगमा दुईजना पक्राउ परेका छन् । आइतबार भारतको मुम्बईस्थित सलमानको घरबाहिर गोली चलेको थियो । त्यसपछि प्रहरीले गोली चलाउने व्यक्तिको खोजी जारी राखेको थियो । 

गोली चलाएको आरोपमा दुई जनालाई गुजरातबाट गिरफ्तार गरिएको समाचार एजेन्सी पीटीआईलाई उद्धृत गर्दै बीबीसीले जनाएको छ । पक्राउ परेकाहरू विक्की गुप्ता र सागर पाल रहेका छन् ।

उनीहरूलाई मुम्बई लैजाने तयारी भएको समाचारमा उल्लेख छ ।