प्रतिपक्षीतर्फको बेन्च खाली भएपछि गण्डकी प्रदेश सभाको बैठक अनिश्चितकालका लागि  स्थगित भएको छ ।​

शुक्रवार दिउँसो बसेको बैठकमा नेपाली कांग्रेस र राप्रपाका सांसद उपस्थित नभएपछि बैठक स्थगित गरिएको हो । 

बैठकमा सहभागी हुन सभामुख कृष्णप्रसाद धितालले गरेको आग्रहलाई कांग्रेस-राप्रपाले इन्कार गरेपछि बैठक स्थगित उनले बैठक स्थगित गरेका हुन् ।

यसअघि नेपाली कांग्रेसले आज बस्ने सभाको बैठकमा सहभागी नहुने निर्णय गरेको थियो ।

कांग्रेस संसदीय दलले खगराज अधिकारी नेतृत्वको सरकारको वैधानिकताका सम्बन्धमा यसअघि कांग्रेस संसदीय दलका नेता सुरेन्द्रराज पाण्डेले दायर गरेको रिटमा फैसला नआएसम्म प्रदेश सभा बैठकमा सहभागी नहुने निर्णय गरेको हो ।