म्यानचेस्टर युनाइटेड एफए कपको फाइनलमा प्रवेश गरेको छ । दोस्रो डिभिजनको टोली कोभेन्ट्री सिटीलाई टाईब्रेकरमा हराउँदै युनाइटेड एफए कपको फाइनलप्रवेश गरेको हो । पेनाल्टी सुटआउटमा युनाइटेडले कोभेन्ट्री सिटीलाई ४-३ ले हरायो । 

निर्धारित समय र अतिरिक्त समय ३-३ को बराबरीमा सकिएपछि खेल टाईब्रेकरमा पुगेको थियो । ३ गाोलको अग्रता लिएपछि ३ गोल खाएको युनाइटेड अन्त्यमा जीत निकाल्दै लगातार दोस्रो पटक एफए कपको फाइनल पुगेको हो ।

युनाइटेडले फाइनलमा म्यानचेस्टर सिटीको सामना गर्नेछ । गत वर्षको फाइनलमा पनि युनाइटेड र सिटी भिडेका थिए । त्यसमा सिटी विजयी भएको थियो ।