प्रिमियर लिग फुटबलमा लिभरपुल एभर्टनसँग पराजित भएको छ । गएराति सम्पन्न खेलमा घरेलु मैदानमै एभर्टनसँग लिभरपुल २–० ले पराजित भएको हो । 

एभरटनसँग पराजित हुँदा लिभरपुललाई उपाधि होडमा धक्का पुगेको छ । एभरटनलाई हराएर शीर्षस्थानको आर्सनलसँग अंक बराबरी गर्ने मौका लिभरपुलले गुमाएको छ।

एभर्टनको जितमा जाराड ब्रान्थवेट र डोमिनिक काल्भर्ट लेविनले गोल गरे। 

लिभरपुलले पछिल्ला ९ खेलमा ४ मात्र जीत हात परेको छ।  ३४ खेल खेलेको लिभरपुलको ७४ अंक छ। समान खेल खेलेको आर्सनल ७७ अंकसहित शीर्षमा छ । ३२ खेल खेलेको साविक विजेता म्यानचेस्टर सिटी ७३ अंकका साथ तेस्रो स्थानमा कायम छ ।