नेपाली कांग्रेसका नेता डा. शेखर कोइरालाले डढेलोका घटना बर्सेनि बढ्दै गएकोप्रति चिन्ता व्यक्त गरेका छन् । सामाजिक सञ्जाल ट्वीटरमार्फत् उनले बर्सेनि डढेलोका कारण हुने नोक्सानी बढिरहेको भन्दै रोकथाम र न्यूनीकरणमा हामी कहाँ चुक्यौं ? भन्दै प्रश्न गरेका छन् । 

डढेलो रोकथाम र न्यूनीकरणमा सरकारसमेत असंवेदनशील रहेको उनको भनाइ छ । 'यस वर्ष देशका विभिन्न भागमा डढेलो लागेका कारण कैयन् नेपालीको ज्यान गइसक्यो, अर्बौंको सम्पत्तिको नाश भइसक्यो । कतै निभ्यो, कतै सल्किरहेको छ,' उनले लेखेका छन्, 'बर्षेनि डढेलोका कारण हुने नोक्सानी बढ्दैछ, रोकथाम र न्यूनीकरणमा हामी कहाँ चुक्यौं ? नीतिमा कि व्यवहारमा ? सरकार किन यति असंवेदनशील ?'

पछिल्लो समय देशका विभिन्न ठाउँमा डढेलो र आगलागीका घटना भइरहेका छन् ।