दोस्रो टी २० मा नेपाल वेस्ट इण्डिज 'ए'विरुद्ध पराजित भएको छ ।

१६१ रनको लक्ष्य पछ्याएको नेपाल १० रनले पराजित भएको हो । नेपालले पूरै ओभर खेल्दा ९ विकेट गुमाएर १५० रनमात्रै बनायो । 

अन्तिम ओभरमा जीतका लागि १७ चाहिने भए पनि नेपालले ७ रनमात्रै जोडेको हो ।

कप्तान रोहित पौडेलले ४७ बलमा नटआउट ७१ रन बनाए पनि नेपाललाई जीतसम्म पुर्‍याउन सकेनन् ।

शनिवार पहिलो खेलमा नेपालले २०५ रनको लक्ष्य पनि २ बल अगाडि नै भेट्टाउँदा ४ विकेटको जीत हासिल गरेको थियो ।

जसमा कप्तान रोहित पौडेलले ५४ बलमा ११२ रनको महत्त्वपूर्ण इनिङ खेलेका थिए ।

आइतवार वेस्ट इण्डिजले जितेपछि ५ खेलको श्रृंखलामा १/१ को बराबरी भएको छ ।

नेपालका लागि गुल्सन झाले २६, लोकेश वामले १७ र आरिफ शेखले १२ रन बनाए ।

कुशल भुर्तेल २, अनिल साह १ र कुशल मल्ल खाता नै नखोली आउट भए । दीपेन्द्र सिंह ऐरी र सोमपाल कामीले ३/३ रनमात्रै बनाए ।