कांग्रेसको अवरोधपछि प्रतिनिधिसभा बैठक स्थगित

प्रमुख प्रतिपक्षी नेपाली कांग्रेसको अवरोधका कारण प्रतिनिधि सभा बैठक आइतबारसम्मलाई स्थगित भएको छ ।

आज बजेको बैठकमा पनि कांग्रेसले विरोध जनाएपछि सभामुख देवराज घिमिरेले आइतबारसम्मलाई बैठक स्थगित गरेका हुन् । 

आजको बैठकमा सरकारको नीति तथा कार्यक्रम पारित गर्ने तयारी थियो । 

सहकारी ठगी प्रकरणमा संसदीय छानबिन समिति गठनको माग गर्दै कांग्रेसले लामो समयदेखि संसद् अवरुद्ध गर्दै आएको छ ।

छानबिन समिति बनाउन सत्ता पक्षसमेत तयार भए पनि समितिको कार्यादेशबारे सहमति हुन नसक्दा समिति बन्न सकेको छैन ।

कार्यादेयदेशबारे आजै सहमति हुने दलहरूको विश्वास छ । आज साँझ यसै विषयमा छलफल गर्न दलहरूको बैठक बस्दै छ।