प्रहरीले राजधानीका सुकुमवासी बस्तीबाट थप दुई जनालाई पक्राउ गरेको छ । बस्ती हटाउँदा अवरोध गर्नसक्ने आशंकमा प्रहरीले शनिबार बिहान ४१ वर्षीय राजकुमार लामा र ५२ वर्षीय अर्जुन कुँवरलाई पक्राउ गरेको हो । 

पक्राउ परेका लामा बालाजुमा र कुँवर काठमाडौँ महानगरपालिका–११ मा बस्दै आएका छन् ।

 यसअघि प्रहरीले संयुक्त राष्ट्रिय सुकुमबासी मोर्चाका महासचिव आरएन कुँवरसहित दलमर्दन कामी, दिनेश सुनार र नारायण परिश्रमी भन्ने नारायण परियारलाई पक्राउ गरेको थियो । 

आजदेखि सरकारले राजधानीका सुकुमबासी बस्ती हटाउन सुरु गर्दै छ ।