१० साउन २०८३, आइतबार
वैदेशिक रोजगार विभागले २०५७ सालदेखिका मुद्दाका फाइल धमाधम डिजिटल अभिलेखिकरण गर्ने काम गरिरहेको छ ।
जेनजी आन्दोलनमा ध्वस्त भएपछि बचेका फाइल डिजिटल अभिलेखिकरण गरिरहेको विभागले जनाएको छ।
यसका साथै नयाँ मुद्दा अनलाइनबाटै दर्ता गर्ने काम पनि भइरहेको छ । जहाँ उजुरीकर्ताले अनलाइनमार्फत निवेदन दिँदा विभागको प्रणालीले नै स्वतः कानूनी ढाँचा (टेम्प्लेट) तयार गरी मुद्दा दर्ता गर्ने काम पनि भइरहेको छ ।
लामो समयदेखि अलपत्र अवस्थामा रहेका मुद्दा तथा अनुसन्धानसम्बन्धी फाइल खोज्ने, वर्गीकरण गर्ने र व्यवस्थित अभिलेख तयार गर्न विभागले अभियान नै अघि बढाइएको छ ।
दशकौंदेखि कसैले चासो नदिएका फाइललाई विभागले धुलो टकटकाएर व्यवस्थित गर्ने काम गरिरहेको छ । सबै फाइललाई डिजिटलाइज गरेपछि अनुसन्धान गरेर पीडितलाई न्याय दिलाउने प्रक्रिया अघि बढाइने जनाइएको छ ।
यो वैदेशिक रोजगार क्षेत्रलाई पूर्ण रूपमा प्रविधिमैत्री बनाउन मन्त्रालयले नयाँ डिजिटल प्लेटफर्मको शुरूआत हो ।
डिजिटलाइजेसनको पूर्ण काम सम्पन्न भइसकेपछि विभागले औपचारिक रूपमा यसको शुरूआत गर्नेछ । जहाँ उजुरीकर्ताले आफ्नो मुद्दा आफैंले हेर्न सक्नेछन् ।
हेर्नुहोस् भिडियो सामग्री :
