पुस २, २०८०
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
जनकपुरधाम, १२ असार – २ नम्बर प्रदेश सरकारले प्रदेशसभा सदस्यलाई निर्वाचन क्षेत्र विकास कार्यक्रम अन्तर्गत चालू आर्थिक वर्षभित्र खर्च गर्ने गरी १०÷१० लाख रुपैयाँ विनियोजन गरेको थियो । जुन बजेट अहिले खर्च हुने क्रममा छ । तर, आर्थिक वर्ष सकिनै लाग्दासम्म पनि भौतिक प्रगति शून्यप्रायः छ ।
प्रदेशसभा सदस्यले आफ्नो निर्वाचन क्षेत्रमा खर्च गर्नुपर्ने बजेट अब १२ दिनभित्र खर्च गर्नुपर्ने देखिएको छ । १२ दिनमा १० लाख बजेटको भौतिक प्रगति पूरा होला त ? प्रदेशसभा सदस्यहरू जसरी पनि बजेट खर्च गर्ने सुरसारमा लागेका छन् । प्रदेश सभामा आर्थिक मामिला तथा योजना मन्त्री विजयकुमार यादवले आर्थिक वर्ष २०७४÷७५ का लागि प्रत्येक सांसदका लागि १० लाख रुपैयाँ छुट्याएका थिए ।
असार १० गतेसम्म पनि जिल्ला प्राविधिक कार्यालय धनुषामा सांसदले योजना छनौट गरिरहेका थिए । संघीय समाजवादी फोरम नेपालकी सांसद चमेलीदेवी दास विगतमा पेश गरेका योजना सच्याएर नयाँ योजना छनौट गरिरहेकी भेटिइन् । ‘कार्यकर्ताहरू धेरै छन्, मलाई ह्यान्ड पाइप दिनुपर्यो भन्दै माग्नेहरू धेरै भएकाले सबैलाई सन्तुष्ट पार्न योजना सच्याउनुपर्यो,’ उनले भनिन् ।
जिल्ला प्राविधिक कार्यालय धनुषाले उपलब्ध गराएको योजना विवरण अनुसार सांसदले न्यूनतम ३ लाखदेखि अधिकतम १० लाख रुपैयाँसम्म योजना छनौट गरेका छन् । सबै सांसदले उपभोक्ता समितिमार्फत् काम गराइरहेका छन् । उपभोक्ता समितिमा राजनीतिक दलका कार्यकर्ता हुने गरेका छन् । जिल्ला प्राविधिक कार्यालय धनुषाका नायब सुब्बा चन्द्रप्रकाश न्यौपानेले प्रत्येक सांसदले योजना छनौट गर्नुका साथै उपभोक्ता समितिमार्फत् सम्झौता भइसकेको बताए ।
प्राविधिकले योजनाका डिजाइन समेत गरिसकेका छन् । अब बाँकी रहेको १२ दिनभित्र सांसदले आ–आफ्ना उपभोक्ता समितिमार्फत् कार्य सम्पन्न गराएको अनुगमनबाट प्रमाणित भए बिल अनुसारको रकम फछ्र्याैट हुने छन् । असार २४ गतेसम्म काम सम्पन्न भएर पैसा निकासा नभए रकम प्रदेश सरकारमा फिर्ता जाने न्यौपानेले बताए ।
प्रायः सांसदले खानेपानी, ह्याण्डपाइप जडान, सामुदायिक भवन निर्माण, पीसीसी ढलान, सडकमा माटो तथा ग्राभेल, मन्दिर, मदरसा निर्माण, कुलो जीर्णोद्वार लगायतका योजना राखेका छन् । विभिन्न सीपमूलक तालिम आयोजना गर्ने भन्दै योजना छनौट गरिएका छन् । कार्यविधि अनुसार सांसदले पहिलो प्राथमिकतामा महिला, बालबालिका, दलित, अपाङ्ग, मधेशी, मुस्लिम, पिछडा समुदाय तथा विपन्न वर्गको उत्थान र विकास सम्बन्धी योजना तथा दोस्रो प्राथमिकतामा श्रममा आधारित योजना र तेस्रो प्राथमिकतामा कम्तिमा २० प्रतिशत जनसहभागितामा योजनाको छनौट गर्नुपर्ने प्रावधान राखिएको छ ।
निर्वाचित सांसदका लागि निर्वाचित संसदीय क्षेत्र र समानुपातिक सांसदका लागि जिल्लाको कुनै १ निर्वाचन क्षेत्रमा कार्यक्रम सञ्चालन गर्नुपर्ने कार्यविधि रहेको छ । प्रदेशका ८ वटै जिल्लाका प्राविधिक कार्यालयमार्फत् कार्यक्रम सञ्चालन गराइएका छन् । प्रशासनिक खर्चवापत १० लाख रुपैयाँमध्ये प्राविधिक कार्यालयले ५० हजार रुपैयाँ लिने गरेका छन् ।
धनुषाका सांसदले छनौट गरेका योजना
नेकपा एमालेका सांसद किशोरी साह कमलले सबैला नगरपालिका–१२ र धनुषाधाम नगरपालिका–३ मा कल्भर्ट निर्माणका लागि २ लाख, सबैला नगरपालिका–१२ खैर्बोना र गणेशमान चारनाथ नगरपालिका–११ शंकरपुरमा सिँचाइका लागि कुलो जीर्णोद्वारमा २ लाख, सबैला नगरपालिका–१० खरिहानीमा विद्यालय पर्खाल निर्माणमा २ लाख, गणेशमान चारनाथ नगरपालिका–९ बरमझियामा मदरसामा इँटा जोडाई, प्लास्टर लगायतको कार्यमा २ लाख, सबैला नगरपालिका–४ बाल्टीयामा विद्यालयमा फर्निचर खरिदमा १ लाख ५० हजार रुपैयाँको योजना छनौट गरेका छन् । नेपाली कांग्रेसकी सांसद प्रमिलादेवी दासले सामुदायिक भवन दलित दलानका लागि ४ लाख, जनकपुर–१५ मा सर्फ तालिमका लागि ३ लाख, चुडा लहठी तालिमका लागि २ लाख ५० हजार रुपैयाँको योजना छनौट गरेका छन् ।
संघीय समाजवादी फोरम नेपालका सांसद समेत रहेका आन्तरिक मामिला तथा कानूनमन्त्री ज्ञानेन्द्रकुमार यादवले जनकपुर उपमहानगरपालिका–१९ मा खानेपानी तथा ह्याण्डपाइप जडानमा २ लाख ५० हजार, मिथिला बिहारी नगरपालिका–७ मा हनुमान मन्दिर निर्माणका लागि ४ लाख र मिथिला बिहारी नगरपालिका–१ मा सिँचाइ कुलो जीर्णोद्वारका लागि ३ लाख रुपैयाँको योजना छनौट गरेका छन् ।
फोरम नेपालकै सांसद राम अशिष यादवले जनकपुर उपमहानगरपालिका–१७ तेतरियामा मिथिला आर्ट १ महिने प्रशिक्षण तालिमका लागि १ लाख, औरही गाउँपालिका–१ पौडेश्वरमा जलाद नदी नियन्त्रणका लागि ७ लाख र तेतरियामा नदी नियन्त्रणका लागि १ लाख ५० हजार रुपैयाँको योजना छनौट गरेका छन् ।
नेपाल कम्यूनिस्ट पार्टीका सांसद अनितादेवी यादवले १० लाख रुपैयाँको एउटै योजना छनौट गरेका छन् । उनले लक्ष्मीनियाँ गाउँपालिका–१ सोहनी टोलमा सोनामाई स्थानको बाउन्ड्री वाल र मर्मत सम्भारमा १० लाख रुपैयाँ खर्चिने योजना छनौट गरेका छन् । नेपाली कांग्रेसकी सांसद सरस्वती चौधरीले जनकपुर उपमहानगरपालिका–१ मा सर्फ तालिमका लागि २ लाख, औरही गाउँपालिका–२ परबाहा टोलमा ह्याण्डपाइप जडानका लागि २ लाख ५० हजार र रामेश्वर राधिका धानुक कुटी भवन निर्माणका लागि ५ लाख रुपैयाँको योजना छनौट गरेका छन् ।
राष्ट्रिय जनता पार्टी नेपालका सांसद परमेश्वर साहले जनकपुर उपमहानगरपालिका–१ मा सडक ढलानमा ५ लाख र मधेश समाज कल्याण केन्द्र जनकपुर–८ को गैरसरकारी संस्थामार्फत् महिलालाई सीप विकास तथा आयमूलक तालिमका लागि ४ लाख ५० हजार रुपैयाँको योजना छनौट गरेका छन् । फोरम नेपालका सांसद शैलेन्द्रकुमार यादवले शाहीदनगर नगरपालिका–७ धबौलीमा थान तारबाँध निर्माणका लागि १ लाख ३० हजार रुपैयाँ, जनकनन्दनी गाउँपालिका खजुरीमा समाधि बाबा निर्माणका लागि ३ लाख ५० हजार र कमला नगरपालिका–७ हथमुण्डामा सामुदायिक भवन निर्माणका लागि ४ लाख ७० हजार रुपैयाँको योजना छनौट गरेका छन् ।
नेपाल कम्यूनिस्ट पार्टीका सांसद रामचन्द्र मण्डलले मिथिला बिहारी नगरपालिका–३ मिथिलेश्वर मौवाहीमा पोखरीको घाट निर्माणका लागि २ लाख, करहियादेखि तारापट्टीको प्रहरी बिटसम्म बाटो निर्माणका लागि २ लाख र धनुषा नगरपालिका–५ पर्वताको सामुदायिक भवन निर्माणका लागि ३ लाख रुपैयाँको योजना छनौट गरेका छन् । त्यसैगरी, धनुषाधाम नगरपालिका–१ को मंग्राहाको सामुदायिक भवनको ग्राउण्ड फ्लोर पीसीसी ढलान तथा प्लास्टरका लागि १ लाख र हंशपुर नगरपालिका–३ को हंशपुर मलहनिया मुख्य सडकबाट पुर्नी पोखरीसम्म माटो र ग्राभेल सहितको बाटो निर्माणका लागि १ लाख ५० हजार रुपैयाँको योजना छनौट गरेका छन् ।
नेपाली कांग्रेसका सांसद तथा संसदीय दलका नेता रामसरोज यादवले मुखियापट्टी मुसहर्निया गाउँपालिका–६ मा सार्वजनिक दलान निर्माणका लागि ५ लाख, जनकपुर उपमहानगरपालिकामा खानेपानीको लागि २ लाख ५० हजार र ब्यूटीसियन तालिमका लागि २ लाख रुपैयाँको योजना छनौट गरेका छन् । नेपाल कम्यूनिस्ट पार्टीका सांसद शत्रुघन महतोले बटेश्वर गाउँपालिका–३ मा खानेपानी ईनारका लागि ३ लाख, मिथिला नगरपालिका–६ मा सामुदायिक भवन निर्माणका लागि ६ लाख ५० हजार रुपैयाँको योजना छनौट गरेका छन् ।
नेपाली कांग्रेसका सांसद शिवचन्द्र चौधरीले आफ्नो सबै योजना नगराइन नगरपालिका–२ मै सीमित पारेका छन् । रामजानकी मन्दिर निर्माणमा विभिन्न किसिमको कामवापत ६ लाख ४२ हजार, दालमोट बनाउने तालिमका लागि २ लाख ४० हजार र महिलालाई आयमूलक तालिम तथा बाख्रापालनका लागि २ लाख ४० हजार रुपैयाँ रुपैयाँको योजना छनौट गरेका छन् ।
संघीय समाजवादी फोरम नेपालकी सांसद चमेलीदेवी दासले विभिन्न ठाउँमा खानेपानी ह्याण्डपाइप जडानका लागि ३ लाख ५० हजार, सबैला नगरपालिका–१० को अमर्खाना गाउँको हनुमान मन्दिरमा टायल्स प्लास्टरका लागि १ लाख ५० हजार र लक्ष्मीनिया गाउँपालिका–६ मा पीसीसी ढलानका लागि ४ लाख ५० हजार रुपैयाँको योजना छनौट गरेका छन् ।
लाखौंका योजना १२ दिनमै सम्पन्न गर्नुपर्ने भएकाले गुणस्तर कमजोर हुने र कागजात मिलाएर रकम भुक्तानी गरी भ्रष्टाचार हुने आशंका गरिएको छ । यसअघि, संविधानसभा सदस्यले संसदीय निर्वाचन क्षेत्रमा खर्च गरेको बजेट कार्यकर्ता पाल्न काम खर्च भएको आरोप लाग्ने गरेको थियो । प्रदेशसभा सदस्यका लागि प्रदेश सरकारले प्रतिसांसद १० लाख रुपैयाँको योजना दिँदा समेत सांसद खुशी देखिएका छैनन् । एउटा वडा अध्यक्षले वडामा १ करोड रुपैयाँसम्म योजना चलाउन पाएका छन् भने प्रदेश सांसदलाई १० लाख रुपैयाँको योजना मात्र दिँदा कार्यकर्तामा असन्तुष्टि बढेको जनाइएको छ ।
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
यातायात व्यवस्था विभागका महानिर्देशक उद्धवप्रसाद रिजालसहितको टोली सवारी चालक अनुमति पत्र (लाइसेन्स)मा प्रयोग हुँदै आएको स्मार्ट कार्डको गुणस्तर अनुगमनका लागि भन्दै जर्मनी जान लागेका छन् । टोलीमा विभा...
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...