कात्तिक २४, २०८०
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
पछिल्ला दिनमा कांग्रेस सभापति शेरबहादुर देउवाले जनतालाई आफ्नो पार्टीको नीतिबारे प्रस्ट पार्नुभन्दा प्रधानमन्त्री केपी शर्मा ओली नेतृत्व सरकारको आलोचनामा समय खर्चिनुभएको छ ।
आलोचनाका सन्दर्भमा अबका चार वर्षसम्म नेपाली कांग्रेस सरकारमा अनुपस्थित रहने भएकाले नेकपामाथि अधिनायकवादको पूर्वाग्रही अभिव्यक्ति हुनसक्छ । आवधिक चुनाव लोकतन्त्रको अनुपम अङ्ग हो । विश्वव्यापीकरणको प्रभावले गाँजेको देशमा निर्वाचनमार्फत विजयी नेकपा नेतृत्व सरकारबाट अधिनायकवादी शासन कति सम्भव होला र ?
अहिले कांग्रेसका नेताहरूले कम्युनिस्ट नेतृत्व सरकारलाई अधिनायकवादी भन्दै गर्दा कांग्रेस मूल नेतृत्व आफ्नो आन्तरिक पार्टी जीवन स्वच्छ लोकतान्त्रिक विधिअनुरूप सञ्चालन भएको कम देखिन्छ । कांग्रेस सभापति देउवा अधिनायकवादी तवरले प्रस्तुत भएको पार्टीका शीर्ष नेताहरूको गम्भीर आरोप छ । सभापति देउवाले ओली नेतृत्व सरकारलाई आरोप लगाउँदै गर्दा आफ्नो प्रवृत्ति र चरित्रबारे भुसुक्क बिर्सनुहुँदैन ।
अहिले कांग्रेसभित्र सत्तामोह, नातावाद, कृपावाद, धनवाद र डनवाद हावी हुँदा मूल नेतृत्व कुहिरोको काग जस्तो बनिरहेको देखिन्छ । लोकतान्त्रिक पार्टीमा तानाशाही तवरले नेताको नजिकको इच्छाएको व्यक्तिले चुनावमा टिकट पाउने पद्धति कांग्रेसमा विद्यमान छ । वडा, नगर, क्षेत्र र जिल्लाबाट सिफारिश हुँदै अनुमोदन हुने प्रक्रिया कांग्रेस पार्टीमा नहुनु कांग्रेसभित्र आन्तरिक लोकतन्त्र छैन भन्ने आभास हुन्छ । प्रदेशसभा र प्रतिनिधिसभामा लज्जास्पद हार बेहोर्नु पनि मुख्य यिनै कारण हुन् ।
लामो राजनीतिक इतिहास भएको नेपाली कांग्रेस साना–साना विषयमा अहिले अल्झिनुभन्दा समृद्ध मुलुक निर्माण गर्ने योजना र प्रतिबद्धता नेपाली जनतासमक्ष गरे आगामी दिन उज्ज्वल बन्नसक्छ ।
जनताले कांग्रेस नेताबाट आरोप प्रत्यारोप भन्दा समृद्ध मुलुक निर्माण गर्ने ठोस खाका चाहेका छन् । यसबारे नेताहरू गम्भीर बन्न आवश्यक छ । वर्तमान जनमतले कांग्रेसको भूमिका रचनात्मक र सिर्जनशील प्रतिपक्षको बनाएको छ । अहिले सत्ताबाहिर बस्नुको पीडाले कांग्रेसका नेताहरू वर्तमान जनमतद्वारा निर्वाचित ओली नेतृत्व सरकारलाई अधिनायकवादी भन्नु लोकतन्त्रमाथिको उपहासबाहेक केही होइन ।
जनताबाट प्रधानमन्त्री ओलीलाई हरियो बत्ती नै छ । प्रधानमन्त्री ओलीका पनि कार्यशैलीमा कमजोरी होलान् तर समृद्ध मुलुकको जग राख्ने उनको पवित्र चाहनालाई तुरुन्त अवरोध नगरौं । अवरोध गर्न कांग्रेस नेताहरू तिललाई पहाड बनाउने कोशिशमा लाग्नु भनेको मुलुकमा अस्थिरतलाई निम्तो दिनु मात्र हो । मुलुकमा द्वन्द्व बढाउने काम मात्र हो ।
कांग्रेस शीर्ष नेताहरूबाट पार्टीभित्र आफ्ना राजनीतिक वैचारिक कार्यदिशाबारे बहस गर्नुपर्नेमा आफैंले समर्थन गरेर निर्माण गरेको संविधानमा लिपिबद्ध धर्मनिरपेक्षता जस्तो गम्भीर विषयमा विवादित भनाइहरू सार्वजनिक गर्नु दुःखद् पक्ष हो । कांग्रेस नेतृत्वले बुझेको हुनुपर्छ, नेपाल बहुधार्मिक देश हो । महासमिति बैठकको फाइदा उठाउँदै कट्टर धर्मभीरू बन्दै धर्मनिरपेक्षताबारे बहस गर्नु भनेको मुलुकको धार्मिक सहिष्णुतामाथि खलल पुर्याउनु हो ।
कांग्रेसको महासमिति बैठकमा सभापति देउवा, वरिष्ठ नेता रामचन्द्र पौडेल, पूर्वमहामन्त्री कृष्ण सिटौला संविधानको मर्मअनुरूप धर्मनिरपेक्षतामा प्रतिबद्धता सार्वजनिक गरिरहेका छन । परन्तु बीपी कोइराला पुत्र तथा महामन्त्री शंशाक कोइराला धर्मनिरपेक्षताबारे संविधानविपरीत मत छ । परिणामतः जनता र कांग्रेसबीच पछिल्लो समयमा केही अन्तर्विरोधयुक्त समस्या छ ।
मुलुकको शासन व्यवस्था परिवर्तनका लागि राणाशासनविरुद्ध सङ्घर्ष गरेको तत्कालीन कांग्रेस अहिले पनि परिवर्तनलाई सहजै ग्रहण गर्न सकिरहेको छैन । वर्तमान कांग्रेस बीपी कोइराला अपनाउनुभएका नीतिभन्दा धेरै पर जाने कुचेष्टा गर्दैछ । बीपी सधैं राष्ट्रियता, प्रजातन्त्र, समाजवाद र विधिको शासनका हिमायती हुन् ।
बीपीका लेख अन्तर्वार्ताबाट पनि प्रस्ट हुन्छ, उहाँ सधैं धर्मनिरपेक्षताका पक्षधर हुनुहुन्थ्यो । बीपी आफ्नो समयमा एक क्रान्तिकारी नेतृत्व हुनुहुन्थ्यो । तर अहिले नेपाली कांग्रेसमा बीपीको समयका नेता जस्ता क्रान्तिकारी छैनन् । कांग्रेस नेताहरू यथास्थितिवादमा नै रमाउन खोज्नु असाध्यै दुर्भाग्य हो । पार्टीलाई समयसापेक्ष बनाउन कांग्रेस पार्टीमा युवाहरूको हस्तक्षेपको आवश्यक देखिन्छ ।
समग्रमा यतिबेला नेपाली कांग्रेसमा बीपी कोइरालाले जस्तो गरी मुलुकबारे सोच्ने, बुझ्ने, मनन गर्ने र व्यवहारमा लागू गर्नसक्ने चिन्तन नेतृत्वमा अभाव छ । यसकारण वर्तमान कांग्रेस पार्टी पखेटाविनाको चरा जस्तै बन्दै गइरहेको छ ।
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...
कमेडी क्लब चलाउने मुन्द्रे उपनाम गरेका एकजना मान्छे छन्। एकै श्वासमा चारवटा प्रश्न सोध्न सक्ने क्षमता भएका जानेमाने पत्रकार ऋषि धमलाको कार्यक्रममा पुगेर तिनले भन्न भ्याए, 'यो टिकटकका कारण मान्छेहरू अल्छी भए, कुन...
उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...
केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...