रातभरि मोबाइलमा गेम खेल्ने बानी परेका एक व्यक्तिले गुमाए दृष्टि (भिडियो)

चीनमा एक व्यक्तिले रातभरि मोबाइल फोनमा गेम खेल्ने बानी पारेपछि एउटा आँखाको दृष्टि गुमाउन पुगेको अस्पतालले जनाएको छ । 

ती व्यक्तिले सानो स्क्रीनमा रातरातभरि हेरेर बिहान उठ्दा देब्रे आँखाले हेर्न नसकेको चिकित्सकहरूले बताए ।


Advertisement

चिकित्सकहरूका अनुसार, ती व्यक्तिको रेटिनामा रहेको रक्तनली फुटेपछि आँखामा रक्तश्राव भएको थियो । 

यसलाई भाल्साल्भा रेटिनोप्याथी भनिन्छ र बढी शारीरिक श्रम पर्दा यस्तो हुन्छ । 


Advertisement

यो भएकाहरूले धमिलो देख्ने, आंशिक दृष्टि गुमाउने वा पूरै दृष्टि गुमाउने समस्या आउँछ । 

नाम नखुलाइएका ती व्यक्तिले रातभरि खेलेर पनि नपुगेपछि बिहान खेल्न खोजेको पाँच मिनेटमै दृष्टि गुमाउन पुगेका थिए । 

उनले आफैं देख्न नसकेपछि शेनझेन सोङगाङ अस्पताल लगिएको थियो ।

चिकित्सकहरूले उनलाई लेजर सर्जरी गरेका छन् र एक महिनाभित्र उनी ठीक हुने अपेक्षा गरेका छन् ।

एजेन्सी 

कमेन्ट गर्नुहोस्