मंसिर २५, २०८०
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
गौर–चन्द्रनिगाहपुर सडक खण्डको बमनहरबाट झन्डै ७ किलोमिटर पश्चिम गएपछि राजपुर फरदहवा गाउँ आउँछ ।
बाक्लो बस्ती र साँघुरो सडक रहेको त्यही गाउँका नेता हुन् मोहम्मद आफताब आलम । १२ वर्षअघिको बम विस्फोटमा घाइते भएकालाई इँटाभट्टामा जलाएर मारेको अभियोग लागेका आलम अहिले पुर्पक्षका लागि नख्खु कारागारमा छन् ।
राजपुरमा मुस्लिम समुदायको झन्डै ६ हजार ५ सय परिवार छ । त्यहाँ अन्य समुदायका मानिस कम छन् । राजपुरमा जोकोहीले सजिलै प्रवेश पाउन सक्दैनन् । गाउँमा नयाँ मानिस आयो भने स्थानीयले केरकार गर्छन् । एकैछिनमा वरपरका मानिस जम्मा हुन्छन् । त्रास देखाएर फर्काउँछन् ।
यस क्षेत्रमा २०१५ सालदेखि नै शेख परिवार राजनीतिमा हाबी हुँदै आएको छ । त्यसबेला शेख इद्रिसले राजनीति गर्थे । इद्रिसको राजनीतिक बिँडो उनका भतिज आलमले थामे । उनका भाइ महताबले पनि कांग्रेस जिल्ला सभापतिमा दुईपटक प्रतिस्पर्धा गरेका थिए तर हारे । आलमका बुबा सिद्धिकी भने राजनीतिमा त्यति चासो राख्दैनथे ।
२०५१ सालमा इद्रिस वनमन्त्री हुँदा आलमले सबै काम हेर्थे । मन्त्रालयमा उनकै हालीमुहाली थियो । कांग्रेस नेता इद्रिसको निधनपछि २०५३ मा भएको उपनिर्वाचनबाट आलम पहिलोपटक संसद्मा पुगेका हुन् । उनी हक्की र जिद्दी स्वभावका छन् । त्यो स्वभाव अहिलेसम्म कायम छ । २०५३ सालको संसदीय निर्वाचनमा कांग्रेसका आलमसँग तत्कालीन एमालेका जिल्ला नेता शेख अब्दुल कलामले प्रतिस्पर्धा गरेका थिए । पछिल्लो २०७४ को संसदीय निर्वाचनमा तत्कालीन एमालेका शैलेन्द्र साह प्रतिद्वन्द्वी थिए ।
आलमले बुथ कब्जा गरेर चुनाव जित्दै आएको आरोप लाग्ने गरेको छ । उनले बम पड्काएर, मतदातालाई त्रासमा परेर र हतियार देखाएर बुथ कब्जा गरेको भन्दै विपक्षी उम्मेदवारहरू हरेक पटक निर्वाचन आयोगमा उजुरी गर्न जान्थे । नेता कलामका अनुसार आलमका मानिसले चुनावको अघिल्लो दिन घरघर पुगेर मतदातालाई धम्क्याउँथे । अन्य पार्टीका मानिसलाई मतदान केन्द्रमा जान दिँदैनथे र उनीहरूले नै पालैपालो मत खसाल्थे । आलम पक्षधरको नारा हुन्थ्यो, ‘हारेङ्गे तो हुरेङ्ग (हार्यौं भने पिट्छौं) ।’ त्यसैले उनको विरोध गर्ने आँट स्थानीयले गर्दैनथे ।
आलम २०७० को संविधानसभामा निर्वाचनमा भने आफ्नै भान्जा मुस्ताक राजासित हारेका थिए । आलमले बेवास्ता गरेपछि मुस्ताक तत्कालीन फोरम लोकतान्त्रिकबाट चुनावमा उत्रिएका थिए । उनले आलमलाई बुथ कब्जा गर्न दिएका थिएनन् । राजपुर फरदहवाका मतदाताले २०७० सालयता मात्र मतपत्र देख्न पाएको स्थानीय रामबहादुर साहले सुनाए । ‘राजपुरमा पूर्ण लोकतन्त्र आएको छैन,’ उनले भने, ‘आलमकै मानिसले गाउँभरिका मतदाताको नाममा भोट हाल्थे ।’
स्थानीयका अनुसार चुनावका बेला आलमका कार्यकर्ताले बमबारुद प्रयोग गर्थे । प्रायः मतदानको अघिल्लो रात बम पड्काइन्थ्यो । बुथ कब्जा गर्न बिहारबाट मानिस ल्याइन्थ्यो । ससुराली भारतको बिहार भएकाले चुनावमा उतैबाट धेरै सहयोग आउने गरेको उनका निकटस्थहरू बताउँछन् । सीतामढी जिल्लास्थित मुहवरको धनाढ्य बेगम परिवार आलमको ससुराली हो । आलमसामु उनका कार्यकर्ता खुलेर बोल्न सक्दैनथे । २०६४ चैत २७ को बम विस्फोटबारे बुझ्न गएका मानव अधिकारीकर्मीलाई दुर्व्यवहार गर्न खोजिएको थियो । विस्फोटमा परेका घाइतेलाई जलाएको भनिएको ठाउँको तस्बिर खिच्न अहिले पनि प्रतिबन्ध छ । विस्फोट भएको गोठमा कसैलाई छिर्न दिइँदैन ।
शेख इद्रिसको मृत्युपछि कांग्रेसका तत्कालीन सभापति गिरिजाप्रसाद कोइरालाले आलमलाई च्यापेका थिए । तत्कालीन गृहमन्त्री खुमबहादुर खड्का २०५३ सालको चुनावमा आलमलाई जिताउन रौतहट आएका थिए । मधेस आन्दोलनका बेला आलम मधेसकेन्द्रित दलहरूप्रति आक्रामक रूपमा प्रस्तुत हुन्थे । उनीहरूका मागको विरोध गर्थे ।
आलमसित चुनावी प्रतिस्पर्धा गरेका पूर्वएमाले नेता अब्दुल कलाम आजादका अनुसार भारतमा ससुराली भएकाले आलमलाई पारिको गुन्डा प्रयोग गर्न सहज थियो । ‘आलम आफ्ना प्रतिद्वन्द्वीलाई भ्याएसम्म सिध्याउने प्रयास गर्थे,’ उनले भने, ‘उनले झूटो मुद्दा लगाएर विपक्षीलाई फसाएका कैयौं घटना छन् ।’ तत्कालीन माओवादीले ०५४ मा आलमको घरमा आक्रमण गरेको थियो । ‘तर राजनीतिक प्रतिशोध साध्न आलमले मेरो नाममा उजुरी दिएर फसाउन खोजे,’ कलामले भने । उनका अनुसार ०६५ मा राजपुरकै मोजरे आलमलाई आफन्तको खेतको निहुँमा विवाद हुँदा बलात्कारको मुद्दा चलाएर फसाइएको थियो । पूर्वएमाले नेता साहले आलमले बुथ कब्जा गरेर मात्र चुनाव जित्दै आएको बताए । राजपुर बमकाण्डका बेला प्रहरीसमक्ष घटनाको निवेदन दिने साह नै पहिलो व्यक्ति हुन् । कान्तिपुर दैनिकमा खबर छ ।
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
बुटवल, १५ फागुन- भैरहवास्थित गौतम बुद्ध अन्तर्राष्ट्रिय विमानस्थलमा ३५ जना चिनियाँसहित २ सय मजदुर काम गरिरहेका छन् । केही निर्माण उपकरण र मेसिनरी यन्त्र थपिएका छन् । द्रुतगतिमा कच्चा पदार्थ संकलन भएको छ । च...
त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...