कृषि मन्त्रालयका एक सहसचिव (प्राविधिक) लाई सेवाबाट हटाइएको छ । बिदा स्वीकृत नगराई आफ्नो पदाधिकार रहेको कार्यालयमा ९० दिनभन्दा बढी समय अनुपस्थित भएपछि सहसचिव डा कमलराज गैरेलाई मन्त्रिपरिषद् बैठकले सेवाबाट हटाउने निर्णय गरेको हो । 

जसअनुसार मन्त्रालयले शुक्रबार एक सूचना जारी गर्दै भविष्यमा सरकारी सेवामा अयोग्य नरहने गरी सेवाबाट हटाउने निर्णय भएको जानकारी गराएको छ ।