कात्तिक २७, २०८०
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
दैलेखको श्रीस्थान र नाभिस्थानमा पेट्रोलियम पदार्थ प्राप्त हुनसक्ने सम्भावित ठाउँको छनोटपश्चात् पेट्रोलियम पदार्थ अन्वेषणको प्रारम्भिक कार्य अगाडि बढेको छ ।
पादुकास्थान क्षेत्रमा बग्ने पादुकाखोलामा पाइने पेट्रोलियम पदार्थको मात्रा, श्रीस्थान मन्दिरमा अखण्ड रुपमा बल्ने ग्यासको दीयो र अन्य पेट्रोलियम पदार्थ पाइन सक्ने प्राकृतिक संकेतलाई आधार बनाएर पेट्रोलियम पदार्थको अन्वेषण गर्ने कार्य थालिएको हो ।
चिनियाँ जियोलोजिकल सर्वे र भूगर्भ विभागले सन् २०१९ फेब्रुअरीदेखि प्रारम्भिक अनुसन्धान गरेर दैलेखको श्रीस्थान र नाभिस्थान क्षेत्रमा अन्वेषण गर्ने क्षेत्र निर्धारण गरिसकेका थिए ।
सम्भावित क्षेत्रको चट्टानको अध्ययनको लागि साइसामिक सर्वे र म्याग्नेटो टेलोमिक सर्वेको काम अगाडि बढाइएको छ । दुवै प्रकारका सर्वे गर्ने काम सँगसँगै अगाडि बढाइएको भूगर्भ विभाग पेट्रोलियम अन्वेषण परियोजना प्रमुख सुधिर रजौरेले बताए ।
साइसामिक सर्वेबाट जमिनमा कम्पन सिर्जना गरेर जमिनको अवस्थाबारे तथ्यांक रेकर्ड गर्ने काम गरिन्छ भने म्याग्नेटो टेलोमिक सर्वेबाट जमिनमा रहेको प्राकृतिक करेन्टको माध्यमबाट जमिनको अवस्था अध्ययन गर्ने विधिमार्फत गरिने परियोजना प्रमुख रजौरेले बताए ।
जमिनमा कम्पन सिर्जना गर्नको लागि सम्भावित भूगोलमा पूर्व, पश्चिम, उत्तर र दक्षिणतर्फ सयौं वटा १०/१० मिटरका खाडल निर्माण गर्ने काम गरिँदैछ । अन्वेषण प्रमुख रजौरेका अनुसार भूगर्भ विभाग र चिनियाँ टोलीले जमिनमा १०/१० मिटरका खाडल बनाउने काम गरिरहेको छ । ‘७–८ मिटरको दूरीमा ती खाडल बनाइएका छन् । खाडलहरू बनाउने काम सकिएपछि विस्फोटक पदार्थको सहायताले खाडलहरूभित्र विस्फोट गराउने काम गरिन्छ,’ उनले भने ।
जमिनमुनि विस्फोट गराइसकेपछि त्यसबाट पैदा हुने कम्पनको माध्यमार्फत जमिनमुनिको चट्टानको अवस्थाबारे अनुसन्धान गर्ने बाटो अगाडि बढ्ने प्रमुख रजौरेले बताए । ‘विस्फोट गराउने काम सकिएपछि तथ्यांक संकलन हुन्छ । जमिनमा रहेको म्याग्नेटो टेलोमिक सर्वेको माध्यमबाट पनि जमिनको अवस्थाको तथ्यांक संकलन गर्ने काम साथसाथै हुन्छ,’ उनले भने, ‘संकलित तथ्यांकहरूमाथि विश्लेषण र छलफल गरेर निष्कर्षमा पुग्न हामीलाई कम्तिमा ७–८ महिना समय लाग्छ ।’
प्रारम्भिक सर्वेको काम सकिएपछि मात्रै जमिनमा ड्रील गर्ने कार्य अगाडि बढ्ने प्रमुख रजौरेले बताए । ‘जमिनमा साढे ४ किलोमिटर गहिराइसम्म ड्रील गर्ने काम गरिन्छ । सो पश्चात मात्रै थाहा हुन्छ कि सम्बन्धित क्षेत्रमा पेट्रोलियम पदार्थको भण्डार कति छ भन्ने कुरा,’ उनले भने ।
विश्वको तथ्यांकलाई केलाउँदा पेट्रोलियम पदार्थ पाइने अनुमान गरिएको क्षेत्रमा अन्वेषण गर्दा १० प्रतिशत मात्रै सफलता प्राप्त भएको देखिएको उनले बताए । उनका अनुसार हाल ५० जना चिनियाँ र ६ जना भूगर्भ विभागका प्राविधिक सम्भावित क्षेत्रमा अन्वेषणको लागि खटिएका छन् । ‘अन्वेषण कार्यमा आवश्यकता अनुसार स्थानीयलाई पनि परिचालन गरिएको छ,’ उनले भने ।
प्रधानमन्त्री केपी ओलीको २०७२ सालमा भएको चीन भ्रमणको क्रममा चीनले नेपालमा पेट्रोलियम पदार्थको अन्वेषणमा सघाउने समझदारी गरेको थियो । समझदारी अनुसार भूगर्भ विभाग र चिनियाँ जियोलोजिकल सर्वेबीच संयुक्त रुपमा पेट्रोलियम पदार्थ अन्वेषण गर्ने कार्यको सम्झौता भएको थियो ।
सम्झौता बमोजिम सन् २०१९ फेब्रुअरीबाट अन्वेषण कार्य तीव्र रुपमा भइरहेको विभागले जनाएको छ । अन्वेषण गर्दा लाग्ने सम्पूर्ण खर्च अनुदानको रुपमा चिनियाँ पक्षले नै व्यहोर्ने विभागले जनाएको छ ।
यसअघि तराईका विभिन्न ठाउँमा पेट्रोलियम अन्वेषण गर्ने जिम्मेवारी लिएका नेदरल्याण्ड, इटली लगायत देशका संस्थाले समयमा काम नगरेपछि ती क्षेत्रमा अनुसन्धान गर्ने कार्य स्थगित भएको छ ।
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...