लुम्बिनी बौद्ध विश्वविद्यालयका लेखापाल २५ हजार घुससहित रंगेहात पक्राउ परेका छन् । 

अख्तियार दुरूपयोग अनुसन्धान आयोग बुटवल कार्यालयले लेखापाल रत्नेश्वर तिवारीलाई उनकै कार्यकक्ष लुम्बिनीबाट आइतबार दिउँसो घुस लिदै गर्दा रंगेहात पक्राउ गरेको हो । 

उनले विश्वविद्यालयका लागि आवश्यक सामान खरिद गर्दाको कमिसन लिँदैगर्दा लेखा शाखाबाट पक्राउ गरिएको अख्तियार दुरुपयोग अनुसन्धान आयोग बुटवल कार्यालयका प्रवक्ता सुरेश भुसालले लोकान्तरलाई जानकारी दिए । 

विश्वविद्यालयका उपकुलपति रजिष्ट्रार र पदाधिकारी नभएको मौकामा उनले घुस लिएको बताइएको छ । 

उनलाई थप अनुसन्धानका लागि अख्तियारले नियन्त्रणमा राखेको छ ।