काठमाडौं- १३ औं संस्करणको दक्षिण एसियाली खेलकुद (साग)को उद्घाटन आइतवार त्रिपुरेश्वरस्थित दशरथ रंगशालामा हुँदैछ । 

सागको औपचारिक उद्घाटन आज साँझ ५ बजे राष्ट्रपति विद्यादेवी भण्डारीले गर्नेछिन् । 

औपचारिक उद्घाटन अगावै भलिबलका खेलहरू भने भइरहेका छन् । 

सागको लागि दशरथ रंगशालाले मुहार फेरेको छ भने अन्य भौतिक पूर्वाधारहरू पनि बनेका छन् । 

शुक्रवार सागको उद्घाटनको रिहर्सलसमेत गरिएको थियो । 

आज हुने औपचारिक उद्घाटन भव्य हुने राखेपले जनाएको छ । 

उद्घाटनलाई मध्यनजर गर्दै सवारी चाप कम गराउन आज राजधानीमा जोरबिजोर प्रणाली लागू गरिएको छ ।