साग खेलकुद : नेपाललाई ५ स्वर्ण

काठमाडौं- १३ औं संस्करणको दक्षिण एसियाली खेलकुदमा नेपालले हालसम्म ५ स्वर्ण जितेको छ । 

नेपालका लागि कराँतेबाट मण्डेकाजी श्रेष्ठले स्वर्णको खाता खोलेका थिए । उनले पाकिस्तानका नियमातुल्लाहलाई हराउँदै स्वर्ण जितेका थिए ।

नेपालले तेक्वान्दोबाट दुई स्वर्ण जितेको छ । सातदोबाटोस्थित तेक्वान्दो हलमा भएको खेलमा नेपालका लागि गोविन्दबहादुर आले र कमल श्रेष्ठले स्वर्ण जितेका हुन् । 

यस्तै कराँतेतर्फ महिला कातामा नेपालले स्वर्ण पदक हात पारेको छ । टीम कातामा निर्मला तामाङ, संगिता मगर र सरु कार्कीले स्वर्ण जितेका हुन् । 

महिला ट्रायथलनमा नेपालको तर्फबाट सोनिका गुरुङले स्वर्ण दिलाएकी छन् । 

नेपालले कुल ५ स्वर्ण, १ रजत र १ कास्य पदक जितेको छ । 

पदकतालिकामा नेपाल अग्रस्थानमा छ ।