कात्तिक २०, २०८०
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
पुस ११, २०७६
प्रमुख प्रतिपक्षी दल नेपाली कांग्रेसभित्र चर्किएको विवाद समाधान नभएपछि शुक्रवार बस्ने भनिएको केन्द्रीय समितिको बैठक वरिष्ठ नेता रामचन्द्र पौडेल पक्षीय नेताले बहिष्कार गर्ने भएका छन् ।
१४ औं महाधिवेशन कार्यतालिका, विभाग गठन, नेविसंघ र तरुण दलको नेतृत्वबारे सभापति शेरबहादुर देउवा र वरिष्ठ नेता पौडेलबीच विवाद चर्किएपछि २ सातादेखि केन्द्रीय समितिको बैठक बस्न सकिरहेको छैन ।
मंसिर २६ गतेदेखि बोलाइएको केन्द्रीय समितिको बैठक वरिष्ठ नेता पौडेल पक्षीय नेताहरूले निरन्तर बहिष्कार गर्दै आइरहेका छन् ।
‘आज (शुक्रवार) पनि हामी बैठकमा जाँदैनौं,’ वार्ता समितिका सदस्य समेत रहेका केन्द्रीय सदस्य हृदयराम थानीले लोकान्तरसँग भने, ‘अहिलेसम्म गरिएका वार्ता र सहमतिका प्रयास फेल हुँदै आइरहेका छन् । यस्तो अवस्थामा हामी केन्द्रीय समिति बैठकमा बस्ने कुरा हुँदैन ।’
पौडेल पक्षको बहिष्कारका बाबजुद मंसिर २६ र २७ गते २ पटक केन्द्रीय समिति बैठक बसेको थियो । त्यसपछि मंसिर ३० र पुस २ गते बोलाइएका बैठक स्थगित भएका थिए । पुस २ गते १० गते बैठक बस्ने तय गरिएको थियो । पुस १० गते बस्ने भनिएको बैठकलाई पुनः ११ गते आज अर्थात् शुक्रवारका लागि सारिएको थियो ।
पौडेल पक्षले मंसिर २६ र २७ गतेको केन्द्रीय समिति निरन्तर बहिष्कार गरेपछि २८ गते शनिवार सभापति शेरबहादुर देउवा आफैं वरिष्ठ नेता पौडेल निवास बोहोराटार पुगेका थिए ।
‘सहमति कसरी हुन्छ त ? खोज्नु परेन ? बैठक बहिष्कार गरेर मात्र सहमति हुन्छ ?’ निधिलगायत केही नेतासहित बोहोराटार पुगेका देउवाले भेट्नेबित्तिकै पौडेललाई प्रश्न गरे ।
दुई नेताबीच वार्ता समिति बनाउने सहमति भयो । वार्ता समितिमार्फत समस्या समाधान गर्ने भन्दै देउवाले निधिलाई अघि सारे भने पौडेलले प्रकाशमान सिंहलाई अघि सारे । वार्ता समितिमा निधि, सिंह र २ केन्द्रीय सदस्य दिलेन्द्र बडू र हृदयराम थानी रहेका छन् ।
त्यसयता पौडेल र देउवाबीच पार्टीभित्र देखिएको विवाद समाधान गर्ने विषयमा कुनै संवाद भएको छैन ।
लोकान्तरसँग कुरा गर्दै वरिष्ठ नेता पौडेलले पार्टीभित्रको विवादका विषयमा आफ्नो सभापतिसँग केही कुरा नभएको बताए । ‘वार्ता समिति छँदैछ नि !’ लोकान्तरलाई पौडेलले दिएको जवाफ थियो तर वार्ता समितिले २ सातासम्म सहमति जुटाउन सकेको छैन ।
यी हुन् पौडेलका माग
वरिष्ठ नेता पौडेलले तरुण दल वा नेविसंघमध्ये कुनै १ भातृ संगठनको सभापति माग गरेका छन् । नेविसंघको तदर्थ समितिमा ७ जना महामन्त्री राख्नुपर्ने र ३ आफूलाई चाहिने पौडेल पक्षले माग राखेको छ भने ४० प्रतिशत विभागको नेतृत्वको दाबी पनि पौडेल पक्षले गर्दै आइरहेको छ ।
देउवापक्ष भने महाधिवेशन कार्यतालिकाबारे छलफल गर्ने समय नभएको भन्दै पन्छिइरहेको छ ।
‘उहाँहरूले महाधिवेशन कार्यतालिका फागुनको अन्तिममा ल्याउने भन्दै हुनुहुन्छ, किन फागुनमा भन्ने प्रश्नको जवाफ छैन,’ थानीले लोकान्तरसँग प्रतिप्रश्न गरे, ‘नेविसंघको पनि कुन मोडेलमा टुंग्याउने भन्ने कुरा स्पष्ट भएको छैन । तरुण दल पनि भुपेन्द्रजंग शाहीको केसमा अल्झिरहेको छ । विभाग गठनको विवाद जस्ताको त्यस्तै छ । के मिलेको छ भन्ने अब ?’
पौडेल पक्षले केन्द्रीय समितिलाई बन्धक बनाए – गोपालमान श्रेष्ठ
देउवा पक्षीय केन्द्रीय सदस्य तथा पूर्व उपसभापति गोपालमान श्रेष्ठले पौडेल पक्षलाई केन्द्रीय समितिलाई बन्धक बनाएको आरोप लगाएका छन् । ‘यसरी लामो समयसम्म बैठकलाई बन्धक बनाउनु हुँदैन,’ लोकान्तरसँग कुरा गर्दै श्रेष्ठले भने, ‘सहमतिका प्रयासहरू भएका छन् । उहाँहरू नयाँ–नयाँ माग लिएर आउनुहुन्छ । आजको केन्द्रीय समिति बैठक बस्छ र बस्नुपर्छ ।’
नयाँ रणनीति तय गर्न चाक्सीबारीमा पौडेल पक्षको भेला
संस्थापन पक्षसँग कुनै सहमति हुन नसकेपछि पौडेलपक्षीय नेताहरू प्रकाशमान सिंहनिवास चाक्सीबारीमा भेला भएका छन् । शुक्रवार अपराह्न उनीहरू नयाँ रणनीति तय गर्न भेला भएका हुन् ।
‘अहिलेसम्मका सहमतिका प्रयासहरू असफल भइसकेपछि नयाँ आधारमा नयाँ अडान निर्माण गर्न हामी भेला हुँदैछौं,’ पौडेल पक्षीय एक केन्द्रीय समिति सदस्यले लोकान्तरसँग भने, ‘हाम्रो बैठकले जे तय गर्छ, त्यही आधारमा हामी पुनः उहाँहरूसँग कुरा गर्छौं ।’
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...