गण्डकी प्रदेशका मुख्यमन्त्री पृथ्वीसुब्बा गुरुङले गण्डकी प्रदेश पर्यटनको राजधानी भए जस्तै खेलकूदको पनि राजधानी बनाउने मुख्यमन्त्री गुरुङले बताएका छन्। 

त्रिवेणी युवा क्लबको आयोजनामा आज बेँसीशहरमा भएको २८औँ त्रिवेणाी कपको फाइनल खेलको समापन कार्यक्रममा मुख्यमन्त्री गुरुङले दक्षिण एसियाली खेलकुद (साग) जस्तो अन्तर्राष्ट्रिय प्रतियोगिता सञ्चालन गरेर गण्डकी प्रदेशले क्षमता प्रमाणित गरेको दावी गरे।

पोखरामा छिट्टै मुख्यमन्त्री लिग प्रतियोगिताको समेत सञ्चालन गर्ने तयारी भइरहेका मुख्यमन्त्री गुरुङको भनाइ छ। यस प्रदेशलाई खेलकूदको राजधानी बनाउनका लागि प्रदेश सरकार लागि परिरहेको मुख्यमन्त्री गुरुङले बताए। विभिन्न खेलकूदको लागि प्रदेश सरकारले लगानी गरिरहेको र आगामी दिनमा पनि सक्दो सहयोग गर्ने उनको भनाइ छ ।

त्यस्तै लमजुङ खेलकुदको उर्बभूमि भएपछि खेलमैदान गुणस्तरीय नभएकाले प्रदेश सरकारले अहिले बेसीशहरमा रहेको त्रिवेणी खेलमैदानलाई आवश्यक पर्ने जग्गा खरिदको लागि प्रदेश सरकारले मुआब्जा दिनेसमेत उनले बताए।

यस जिल्लाबाट महिला खेलाडी सावित्रा भण्डारीजस्ता राम्राराम्रा खेलाडी राष्ट्रियस्तरमा पुगेकाले आगामी दिनमा समेत यस्ता खेलाडी उत्पादन गर्नका लागि सबै लाग्नुपर्ने उनको भनाइ छ।